ચોમાસું / અવિરત વરસાદને કારણે તાપી જિલ્લાના 30 ગામ સંપર્ક વિહોણા, વ્યારા અને વાલોડ તાલુકો જળબંબોળ

• ગ્રામ્ય વિસ્તારના 30 પંચાયતના રસ્તા બંધ કરાયા
• વરસાદને કારણે લો લેવલ પુલ પર ફરી વળ્યા પાણી 
• રસ્તા પર પાણી ફરી વળતા માર્ગો થયા બંધ

તાપી જિલ્લામાં અવિરત વરસાદના પગલે  ગ્રામ્ય વિસ્તારમાં પાણી ભરાયા  છે.ગ્રામ્ય વિસ્તારના 30 પંચાયતના રસ્તા બંધ કરી દેવાયા છે. વરસાદને કારણે લો લેવલ પુલ પર પાણી  ફરી વળ્યા  છે. રસ્તા પર પાણી ફરી વળતા માર્ગો  બંધ થયા છે.

કયા તાલુકા અસરગ્રસ્ત

વ્યારા તાલુકાના 10 અને ડોલવણ તાલુકા ના 9 રસ્તા બંધ થયા છે. વાલોડ તાલુકાના 5,સોનગઢ તાલુકાના 6 માર્ગો બંધ કરી દેવાઇ છે. વાલોડનાં કલમકુઈ પાસે વ્યારા તરફ આવતા માર્ગ બંધ કરી દેવાયો છે.ગ્રામ્ય વિસ્તારના માર્ગો બંધ થતાં લોકોની હાલત કફોડી બની છે.

તાપી જિલ્લામાં પણ સાર્વત્રિક વરસાદ વરસ્યો છે. જિલ્લામાં ભારે વરસાદના કારણે ડેમોમાં પાણીની આવક થઇ છે. ઉપરવાસમાં પાણીની આવકથી ડોસાવાડા ડેમ ઓવરફ્લો થયો છે. ડોસાવાડા ડેમ મહત્તમ સપાટીથી 1 ફૂટે ઓવરફ્લો થયો છે. ડેમની મહત્તમ સપાટી 405 ફૂટ છે. 2108 ક્યૂસેક પાણી ડેમ ઉપરથી વહી રહ્યું છે. ડેમ ઓવરફ્લો થતા 10થી વધુ ગામોને અલર્ટ કરાયા છે...તો ડેમ ઓવરફ્લો થવાથી 10થી વધુ ગામોને સિંચાઇ-પીવાનું પાણી મળશે.