મેઘકહેર / જનાક્રોશ: આખાને આખા વિસ્તાર પાણીમાં ગરકાવ, મુલાકાતે આવેલ કોર્પોરેટરને સ્થાનિકોએ ભગાડી મૂક્યા

• સુરતમાં ભાજપ કોર્પોરેટરનો સ્થાનિકોએ લીધો ઉધડો 
• વરસાદી પાણી ભરાતા પહોચ્યા હતા કોર્પોરેટર
• અસરગ્રસ્ત વિસ્તારની મુલાકાત દરમિયાન લોકોમાં રોષ

સુરતમાં ભાજપ કોર્પોરેટરનો સ્થાનિકોનો ઉધડો લીધો છે. વરસાદી પાણી ભરાતા કોર્પોરેટર પહોચ્યા હતાં. અસરગ્રસ્ત વિસ્તારની મુલાકાત દરમિયાન લોકોએ રોષ ઠાલવ્યો હતો. લોકોએ ઉગ્ર રોષ વ્યક્ત કરતા કોર્પોરેટર સ્થળ છોડવા મજબૂર થયા હતાં. ભાજપના કોર્પોરેટર ડોકટર વાનખેડે સ્થળની મુલાકાતે પહોચ્યાં હતાં.

સુરતમાં ખાડી પૂરના કારણે ઠેર ઠેર પાણી ભરાઇ ગયા છે. પાંડેસરા GIDCમાં વરસાદી પાણી ફરી વળ્યા છે. GIDCમાં વરસાદી પાણી ફરી વળતા વાહન વ્યવહાર બંધ થઇ ગયો છે. પાંડેસરાના નાગસેનનગર, પ્રેમનગર, સીતાનગરમાં પાણીમાં ભરાવો થયો છે. રસ્તા પર પાણી ભરાતા લોકોને મુશ્કેલી પડી રહી છે.

સુરતનું પાંડેસરા બેટમાં ફેરવાઇ ગયું છે. પાંડેસરામાં પાણી ઘૂસા જતા લોકોનું સ્થળાંતર કરવામાં આવ્યું છે. અને હજુ પણ 500 જેટલા ઘરમાં પાણી ભરાયેલા છે. જેને લઇ ફસાયેલા લોકોનું ફાયરની ટીમ દ્વારા રેસ્ક્યૂ કરવામાં આવી રહ્યું છે. અને સ્થાનિક કોર્પોરેટર, ધારાસભ્ય દ્વારા લોકોને ફૂડ પેકેટનું વિતરણ કરવામાં આવી રહ્યું છે.

સુરતમાં ફરી ખાડીપૂરનું સંકટ છે. સુરતનું પાંડેસરા ગામ બેટમાં ફેરવાઇ ગયું છે. પાંડેસરાના ક્રિષ્નાનગર, શિવમનગર પણ પાણીમાં ડૂબી ગયું છે. મોટાભાગના લોકોના ઘરોમાં પાણી ભરાઇ ગયા છે. ત્યારે મનપાની ટીમ પૂરગ્રસ્ત વિસ્તારોએ પહોંચી. સ્થાનિક ધારાસભ્ય અને કોર્પોરેટર પણ અસરગ્રસ્ત વિસ્તારની મુલાકાત લીધી. અને ફસાયેલા લોકોનું રેસ્ક્યૂ કરાયું છે.