બંગાળની ખાડીમાં લો પ્રેશર સર્જાયું છે જેને લીધે દરિયામાં સાયક્લોનિક સિસ્ટમ પણ ઉભી થઇ હોવાનું હવામાન વિભાગે જણાવ્યું હતુ જેને પરિણામે આજે દક્ષિણ ગુજરાત અને સૌરાષ્ટ્રમાં અતિભારે વરસાદ વરસી રહ્યો છે. આવો જાણીએ અત્યાર સુધી ક્યાં ક્યાં ખાબક્યો વરસાદ?
ગુજરાતમાં મેઘમહેર
દ. ગુજરાત, સૌરાષ્ટ્ર જળબંબોળ
વલાસાડમાં હાઈ ટાઈડ
દક્ષિણ ગુજરાતમાં વરસાદની આગાહી વચ્ચે દરિયો તોફાની થયો છે. તિથલના દરિયા કિનારે હાઈટાઇડના દ્રશ્યો સર્જાતા મોજાઓ ઉછળ્યા હતાં. 15 થી 20 ફૂટ ઉંચા મોજા ઉછળતા લોકો તેની સેલ્ફી લેવા ઉમટ્યા હતાં. દરીયા કિનારે લોકો જોખમી રીતે સેલ્ફી લેતા નજરે પડ્યા છે. મહામારી વચ્ચે પર્યટક સ્થળ બંધ રાખવા સુચનો આપવામાં આવ્યાં છે. તંત્રના સુચનોને અવગણીને સહેલાણીઓનો જમાવડો થયો છે.
જૂનાગઢ ગિરનાર પર એક કલાકમાં 3 ઈંચ વરસાદ વરસ્યો છે. ગિરનાર પરના દામોદર કુંડ સહિત નદી નાળામાં ઘોડાપુર આવ્યું છે. ભવનાથ તળેટી પરના રસ્તાઓ પર પણ પાણી ભરાયા છે. ગિરનાર અને દાતાર પર્વત પર ઝરણાઓ વહેતા થયા છે. કુદરત સોળે કળાએ ખીલી ઉઠતા અદ્ભૂત નજારો જોવા મળ્યો હતો.
રાજકોટના ઉપલેટા તાલુકાના ડુમીયાણી ગામે ઘરોમાં પાણી ઘુસી ગયા છે. ઉપરવાસમાં ધોધમાર વરસાદથી ડુમીયાણીમાં પાણી ભરાય ગયા છે. રબારીવાસ, વણકરવાસ સહિતના વિસ્તારોમાં ઘુંટણસુધી પાણી ભરાય ગયા છે.
અમરેલી જિલ્લામાં સાર્વત્રિક વરસાદ થયો છે. તેમજ સાવરકુંડલા પંથકમાં ધોધમાર વરસાદ થયો છે. બાઢડા પંથકની સુરવો નદીમાં ઘોડાપુર આવ્યુ છે. પુર આવતા સુરવો નદી બે કાંઠે થઇ છે. સુરવો નદી બે કાંઠે થતા સ્થાનિકો ઉમટ્યા છે. ચાર વર્ષ બાદ પ્રથમવાર નદીમાં પુર આવ્યુ છે.
જેતપુરમાં ભારે પવન સાથે ધોધમાર વરસાદ પડી રહ્યો છે. જેતપુર અને ગ્રામ્ય પંથકમાં ધોધમાર વરસાદ પડ્યો છે. સરધારપુર, પાચપીળા સહિતના ગામોમાં વરસાદ પડી રહ્યો છે. સારો વરસાદ રહેતા ખેડૂતોમાં ખુશી જોવા મળી રહી છે.
ભાવનગરના મહુવા પંથકમા ભારે વરસાદ વરસ્યો છે. મહુવાના ગ્રામ્ય વિસ્તારોમાં ભારે વરસાદ થયો છે. મહુવાની વાઘનગર નદીમાં પુર આવ્યુ છે. નદીમાં પુર આવતા મોટી સંખ્યામાં લોકો ઉમટ્યા હતા.