વરસાદ / સૌરાષ્ટ્રના અનેક વિસ્તારોમાં જળ બંબાકાર, કચ્છના 46 ગામમાં અંધારપટ, આ મંદિર ફરી પાણીમાં ગરકાવ

• રાજ્યમાં ભારે વરસાદની આગાહી
• સૌરાષ્ટ્રના અનેક ગામોમાં જળબંબાકાર 
• કચ્છના 46 ગામમાં વિજળી ગૂલ

મોરબી જિલ્લામાં આજે સવારથી ધીમી ધારે વરસાદ શરૂ થયો છે. આજે સવારે 6 વાગ્યાથી બપોરના 2 વાગ્યા સુધીમાં હવામાન વિભાગના જણાવ્યા મુજબ મોરબી શહેરમાં ધોધમાર 3 ઇંચ વરસાદ પડી ગયો છે. જોકે બપોરે 2 વાગ્યા બાદ વરસાદનું જોર ઘટ્યું છે. 

મોરબીમાં નીચાણવાળા વિસ્તારમાં પાણી ભરાયા 

પરંતુ મોરબી શહેરમાં ધોધમાર વરસાદના પગલે નીચાણ વાળા વિસ્તારમાં પાણી ભરાયા છે. અને લોકોને ફરીથી ભારે હાલાકીનો સામનો કરવો પડી રહ્યો છે. મોરબીમાં ચાલુ વર્ષે ભારે વરસાદથી નીચાંણ વાળા વિસ્તારોની અને શહેરમાં પાણીના નીકાલની સમસ્યાના આ વર્ષે પાણી ભરાવની સમસ્યાઓ વધી છે.

સાસણ ગીર જંગલ વિસ્તારમાં ધોધમાર વરસાદ 

સાસણ ગીર જંગલ વિસ્તારમાં ધોધમાર વરસાદ પડવાને કારણે હિરણ નદીમાં ઘોડાપુર આવ્યું હતું હતું. ઘોડાપુરને પગલે નિચાણવાળા વિસ્તારોને કરાયા અલર્ટ કરાયા છે. તો નદી પરના કોઝ વે પરથી નદી વહી હતી. 

કોડીનાર શહેરના બસ સ્ટેન્ડ વિસ્તારમાં પાણી ભરાયા

ગીર સોમનાથના કોડીનાર શહેરના બસ સ્ટેન્ડ વિસ્તારમાં પાણી ભરાયા છે.કોડીનાર અને આસપાસના વિસ્તારોમાં સતત વરસાદ વરસી રહ્યો છે. અંદાજે એક કલાકથી અવિરત વરસાદથી ઠેર ઠેર પાણી ભરાયા છે.

કચ્છના 46 ગામનો વીજ પુરવઠો ખોરવાયો 

કચ્છમાં ભારે વરસાદથી વીજ પુરવઠો ખોરવાઇ ગયો હતો. કચ્છમાં વરસાદના કારણે 125 ફીડર બંધ થઇ જતાં 46 ગામોનો વીજ પુરવઠો બંધ થઇ ગયો હતો. આ ઘટનાને પગલે PGCVL દ્વારા પુરવઠો ફરી શરૂ કરવા યુદ્ધના ધોરણે કામગીરી શરૂ કરવામાં આવી હતી. 

પ્રાચીનું માધવરાયજી મંદિર ફરી પાણીમાં ગરકાવ

ગીર સોમનાથ પંથકમાં ભારે વરસાદનો માહોલ ચાલી રહ્યો છે. ઉપરવાસમાંથી પાણી છોડાતા સરસ્વતી નદીમાં પુર જોવા મળ્યું હતું. પ્રાચીનું માધવરાયજી મંદિર ફરી પાણીમાં ગરકાવ થયું હતું. 

વર્તુ-2 ડેમના 3 દરવાજા ખોલાયા 

પોરબંદરમાં ઉપરવાસમાં ભારે વરસાદથી વર્તુ-2 ડેમમાં પાણીની આવક થતાં 10 દરવાજા 3 ફૂટ ખોલવામાં આવ્યા હતા. જેના પગલે પોરબંદર,દેવભૂમિ દ્વારાકા જિલ્લાના ગામોને કરાયા અલર્ટ કરવામાં આવ્યા છે. 

હવામાન વિભાગની આગાહી 

રાજ્યમાં આગામી 2 દિવસ ભારે વરસાદની આગાહી છે. બંગાળની ખાડીમાં સર્જાયેલા લો પ્રેશરના કારણે વરસાદ આવશે. રાજ્યમાં આજે પણ ભારે વરસાદની આગાહી હવામાન વિભાગ દ્વારા કરવામાં આવી છે. રાજ્યમાં સાર્વત્રિક વરસાદની હવામાન વિભાગની આગાહી છે. અત્યાર સુધી સરેરાશ 110 ટકા વરસાદ પડી ચૂક્યો છે.

સૌરાષ્ટ્ર અને ઉત્તર ગુજરાતમાં ભારે વરસાદની આગાહી હવામાન વિભાગે કરી છે. જયારે દ.ગુજરાતમાં પણ ભારે વરસાદની આગાહી છે. સૌરાષ્ટ્ર, ઉત્તર ગુજરાતમાં ભારે વરસાદની આગાહી  છે.