આગાહી / ગુજરાતમાં તોફાની પવન સાથે આગામી પાંચ દિવસ આ વિસ્તારમાં થશે ધોધમાર વરસાદ: હવામાન વિભાગ

• ગુજરાત રાજ્યમાં એક સાયક્લોનિક સિસ્ટમ સક્રિય થઈ છે
• સાયક્લોનિક સિસ્ટમ સક્રિય થતા 5 દિવસ વરસાદની શક્યતા
• રાજ્યના મોટા ભાગના વિસ્તારમાં આગામી 5 દિવસ વરસાદની શક્યતા

રાજ્યમાં વરસાદને લઈને હવામાન વિભાગે આગાહી કરી છે. હવામાન વિભાગના ડાયરેક્ટર જયંત સરકારે નિવેદન આપ્યુ છે કે, રાજ્યમાં આગામી 5 દિવસ ભારે વરસાદની શક્યતા છે.. સાયક્લોનિક સર્ક્યુલેશન સક્રિય થતા હવામાન વિભાગે વરસાદની આગાહી કરી છે.

આ વિસ્તારમાં પડશે વરસાદ

ગુજરાતમાં સૌરાષ્ટ્ર, કચ્છમાં પવન સાથે ભારે વરસાદની શક્યતા છે..અમદાવાદ, ગાંધીનગર, ખેડામાં સામાન્યથી મધ્યમ વરસાદ થઈ શકે છે. જ્યારે મધ્ય ગુજરાતમાં સામાન્યથી મધ્યમ વરસાદની શક્યતા છે..દક્ષિણ ગુજરાત અને સૌરાષ્ટ્રમાં શુક્રવારે ભારે વરસાદ થઈ શકે છે.

ક્યાં કેટલો પડ્યો વરસાદ

છેલ્લા 24 કલાકમાં રાજ્યના 45 તાલુકામાં વરસાદ પડ્યો છે. જેમાં સૌથી વધુ જૂનાગઢના માળિયામાં 2.5 ઈંચ વરસાદ પડ્યો છે. જ્યારે ગઢડામાં સવા 2 ઈંચ, કુતિયાણામાં 2 ઈંચ વરસાદ પડ્યો છે. તો તાલાલામાં 2 ઈંચ, મેંદરડામાં પોણા 2 ઈંચ વરસાદ પડ્યો છે. જ્યારે રાણાવાવમાં પોણા 2 ઈંચ, માણાવદરમાં 1.5 ઈંચ વરસાદ, ગીર ગઢડામાં સવા ઈંચ, વડિયામાં સવા ઈંચ વરસાદ પડ્યો છે. જ્યારે ચોર્યાસીમાં 1 ઈંચ, ગોંડલમાં પોણો ઈંચ વરસાદ પડ્યો છે. તો ભાણવડ, વિસાવદર, ખંભાળિયા, ઉમરગામમાં પોણો ઇંચ વરસાદ પડ્યો છે. જ્યારે માંડવી અને લાલપુરમાં અડધો ઇંચ વરસાદ પડ્યો છે.