મહેસાણામાં પણ ધોધમાર વરસાદ વરસ્યો છે. ભારે વરસાદના પગલે ખારી નદી બે કાંઠે વહી રહી છે. 1997 બાદ પહેલી વખત નદી બે કાંઠે થઇ છે
જિલ્લામાં સતત વરસી રહ્યો છે વરસાદ
મોઢેરા રોડ પર જળબંબાકારની સ્થિતી
મુખ્ય માર્ગ પર 3 થી 4 ફૂટ પાણી ભરાયા
મહેસાણામાં પણ ધોધમાર વરસાદ વરસ્યો છે. ભારે વરસાદના પગલે ખારી નદી બે કાંઠે વહી રહી છે. 1997 બાદ પહેલી વખત નદી બે કાંઠે થઇ છે. વરસાદથી નદીમાં પાણીના પ્રવાહમાં સતત વધારો થઇ રહ્યો છે. વધતા પ્રવાહના કારણે નદી નજીક ઝુંપડામાં રહેતા લોકો ફસાયા છે.
મહેસાણામાં બારે મેઘ ખાંગા થયા છે. જિલ્લામાં સતત વરસાદ વરસી રહ્યો છે. મોઢેરા રોડ પર જળબંબાકારની સ્થિતીમાં છે. મુખ્ય માર્ગ પર 3 થી 4 ફૂટ પાણી ભરાયા છે.
પાણી ભરાતા લોકોને હાલાકી પડી રહી છે.
બહુચરાજી તાલુકાનું પ્રતાપનગર ગામ બેટમાં ફેરવાયું
મહેસાણા જિલ્લામાં બહુચરાજી તાલુકાનું પ્રતાપનગર ગામ બેટમાં ફેરવાયું છે. ગામ લોકોને અવિરત વરસાદથી હાલાકી પડી રહી છે. છેલ્લા બે દિવસથી પડી રહ્યો છે. વરસાદ અવિરત વરસાદથી પ્રતાપનગર ગામ બેટમાં ફેરવાયું ઠેય
ગોજારીયા-ગાંધીનગર હાઇવે પર પાણી ભરાયુ
મહેસાણામાં વસાઈ તળાવ ઓવરફ્લો થયું છે. તળાવનુ પાણી આસપાસના વિસ્તારોમાં ફરી વળ્યા ગોજારીયા-ગાંધીનગર હાઇવે પર પાણી ભરાયુ છે. પાણી ભરાતા વાહન ચાલકોને હાલાકી પડી રહી છે. મહેસાણાના ઊંઝામાં ગત રાતથી સતત વરસાદ વરસી રહ્યો છે.
દોઢ કલાકમાં ચાર ઇંચ વરસાદ ખાબક્યો
ઉંઝામાં 4 ઇંચ જેટલો વરસાદ ખાબક્યો છે. દોઢ કલાકમાં ચાર ઇંચ વરસાદ ખાબક્યો હતો. ઊંઝામાં પ્રવેશના તમામ માર્ગ પર પાણી ભરાયા હતા. મહેસાણા કારકુન ચાલીમાં વરસાદી પાણી ઘુસ્યા છે. જ્યારે સરકારી કર્મચારીઓના કવાટર્સમાં પણ પાણી પાણી થઈ ગયા છે.