ભારે વરસાદને કારણે ગુજરાતમાં કેટલાક નદી નાળા છલકાઈ ઉઠ્યા છે ત્યારે સૌરાષ્ટમાં સિઝનનો સારો એવો વરસાદ વરસી ચૂક્યો છે અને છેલ્લા 5 દિવસથી વરસાદ વરસી રહ્યો છે ત્યારે ગોંડલ અંડરબ્રિજમાં બસ ફસાઈ ગઈ હતી.
ગોંડલમાં અંડરબ્રિજમાં ST બસ ફસાઈ
બસમાંથી મુસફરોને સુરક્ષિત બહાર કઢાયા
ગોંડલ ઉમવાળા અંડર બ્રિજ ખાતે ST બસ ફસાઈ
ગોંડલમાં અંડરબ્રિજમાં બસ ફસાઈ જતા મુસાફરોનો જીવ તાળવે ચોંટી ગયા હતા પરંતુ સદનસીબે કોઈ હોનારત સર્જાઈ નહોતી અને મુસાફરોને બચાવી લેવાયા હતા. ગોંલ ઉમરવાળા અંડરબ્રિજ પાસે ST બસ ફસાઈ હતી.
ક્યાની હતી બસ?
ફસાયેલી બસ ગોંડલ પાવાગઢ રૂટની ST બસ હતી. તંત્ર દ્વારા યુધ્ધને ધોરણે બચાવ કામગીરી ચાલુ કરી દેવામાં આવી હતી. JCB દ્વારા બસને બહાર કાઢવામાં આવી હતી. મુસાફરોને સહિસલામત બહાર કાઢી લેવામાં આવ્યા હતા.
રાજ્યમાં 232 તાલુકામાં વરસાદ
સૌરાષ્ટ્ર અને દક્ષિણ ગુજરાતમાં વ્યાપક વરસાદ ખાબક્યો છે. જ્યારે મધ્ય ગુજરાતમાં પણ સારો વરસાદ વરસ્યો છે. રાજ્યમાં 232 તાલુકામાં વરસાદ નોંધાયો છે. જેમાં સૌથી વધારે જાંબુઘોડામાં વરસાદ વરસ્યો છે.