VIDEO / Monsoon 2020: ગોંડલમાં અંડરબ્રિજમાં ST બસ ફસાઈ, બસમાંથી મુસાફરોને સુરક્ષિત બહાર કઢાયા

• ગોંડલમાં અંડરબ્રિજમાં ST બસ ફસાઈ
• બસમાંથી મુસફરોને સુરક્ષિત બહાર કઢાયા
• ગોંડલ ઉમવાળા અંડર બ્રિજ ખાતે ST બસ ફસાઈ

ગોંડલમાં અંડરબ્રિજમાં બસ ફસાઈ જતા મુસાફરોનો જીવ તાળવે ચોંટી ગયા હતા પરંતુ સદનસીબે કોઈ હોનારત સર્જાઈ નહોતી અને મુસાફરોને બચાવી લેવાયા હતા. ગોંલ ઉમરવાળા અંડરબ્રિજ પાસે ST બસ ફસાઈ હતી. 

ક્યાની હતી બસ?

ફસાયેલી બસ ગોંડલ પાવાગઢ રૂટની ST બસ હતી. તંત્ર દ્વારા યુધ્ધને ધોરણે બચાવ કામગીરી ચાલુ કરી દેવામાં આવી હતી. JCB દ્વારા બસને બહાર કાઢવામાં આવી હતી. મુસાફરોને સહિસલામત બહાર કાઢી લેવામાં આવ્યા હતા. 

રાજ્યમાં 232 તાલુકામાં વરસાદ

સૌરાષ્ટ્ર અને દક્ષિણ ગુજરાતમાં વ્યાપક વરસાદ ખાબક્યો છે. જ્યારે મધ્ય ગુજરાતમાં પણ સારો વરસાદ વરસ્યો છે. રાજ્યમાં 232 તાલુકામાં વરસાદ નોંધાયો છે. જેમાં સૌથી વધારે જાંબુઘોડામાં વરસાદ વરસ્યો છે.

જાંબુઘોડામાં 8 ઇંચ જેટલો વરસાદ નોંધાયો છે. તો ડેડિયાપાડામાં સવા 7 ઈંચ, માંડવીમાં સાડા 6 ઈંચ, સોનગઢમાં 6.5 ઈંચ, પારડીમાં 6.5 ઈંચ, ગણદેવીમાં 6 ઈંચ, વ્યારામાં 5.5 ઈંચ, વાલોદમાં સવા 5 ઈંચ, અંકલેશ્વરમાં સવા 5 ઈંચ, વાંસદામાં 5 ઈંચ, ચીખલીમાં 5 ઈંચ, સિદ્ધપુરમાં પોણા 5 ઈંચ અને વઘઈમાં પણ પોણા 5 ઈંચ વરસ્યો છે.જ્યારે ખેરગામમાં 4.5 ઈંચ, હાંસોટમાં 4.5 ઈંચ, પાવી જેતપુરમાં 4.5 ઈંચ, નેત્રંગમાં 4.5 ઈંચ, વિજાપુરમાં 4 ઈંચ, બારડોલીમાં 4 ઈંચ, ઈડરમાં 4 ઈંચ, ડોલવણમાં 4 ઈંચ, નાંદોદમાં 4 ઈંચ, કપરાડામાં 4 ઈંચ, ભાણવડમાં 4 ઈંચ, મહુવામાં 4 ઈંચ, ઉમરપાડામાં 4 ઈંચ, વલસાડમાં 4 ઈંચ, ધરમપુરમાં 4 ઈંચ, ઉમરગામમાં 4 ઈંચ વરસાદ નોંધાયો છે.