ગુજરાતમાં હાલ વરસાદી માહોલ જામ્યો છે. હવામાન વિભાગની માહિતી મુજબ ગુજરાતમાં 14 ઓગસ્ટ સુધી વરસાદ રહે તેવી શકયતા જોવાઇ રહી છે. ગુજરાતમાં સાર્વત્રિક વરસાદ વરસી રહ્યો છે.
ગુજરાતમાં વરસાદની આગાહી
14 ઓગસ્ટ સુધી વરસાદ રહે તેવી શકયતા
ગુજરાતમાં વરસી શકે છે સાર્વત્રિક વરસાદ
હવામાન વિભાગે બનાસકાંઠા ,પાટણ, મહેસાણા, સાબરકાંઠા, દમણ, દાદરાનગર હવેલીમાં વરસાદની આગાહી કરી છે. નવસારી, ડાંગ, આહવા અને અમરેલી, ભાવનગર સહીત 14 ઓગસ્ટ સુધી વરસાદ પડે તેવી શક્યતા જોવાઇ રહી છે.
વડોદરામાં સરેરાશ 4 ઈંચ વરસાદ
વડોદરા પર પણ મેઘરાજા મહેરબાન થયા છે. વડોદરા જિલ્લામાં સાર્વત્રિક વરસાદ પડી રહ્યો છે. વડોદરામાં સરેરાશ 4 ઈંચ વરસાદ પડ્યો. પાદરામાં સૌથી વધુ 5 ઈંચ વરસાદ પડ્યો. વાઘોડિયામાં પોણા ત્રણ ઈંચ વરસાદ પડ્યો. સાવલી અને ડેસરમાં દોઢ ઈંચ વરસાદ વરસ્યો. વરસાદના કારણે રોડ પર પડ્યા ભૂવા પડતાં વાહન ચાલકોની મુશ્કેલીમાં વધારો થયો છે.
અમદાવાદમાં વરસાદી માહોલ
અમદાવાદમાં આજ વહેલી સવારથી વરસાદી માહોલ જોવા મળ્યો છે. શહેરના મોટાભાગના વિસ્તારોમાં ધીમી ધારે વરસાદ થઇ રહ્યો છે. પૂર્વ અને પશ્ચિમ અમદાવાદમાં વરસાદ પડ્યો હતો.. જેમાં બોડકદેવ, થલતેજ, એસ. જી. હાઈવે પર વરસાદ થયો છે.
શહેરના પૂર્વ વિસ્તારોમાં પણ વરસાદ ચાલુ
આ સાથે જ શહેરના પૂર્વ વિસ્તારોમાં પણ વરસાદ ચાલુ છે. શાહપુર, દરિયાપુર, ગીતા મંદિર વિસ્તારમાં વરસાદ થયો છે. આ સાથે શહેરની મધ્યમાં આવેલા પાલડી, વાસણા, આશ્રમ રોડ, યુનિવર્સિટી વિસ્તારમાં વરસાદ થયો છે.
બંગાળની ખાડીમાં લો પ્રેશર
બંગાળની ખાડીમાં લો પ્રેશર સક્રિય થશે. તો મધ્ય ગુજરાતમાં 12થી 16 ઓગસ્ટે ભારે વરસાદ રહેશે. અમરેલી, રાજકોટ, ભાવનગર, મોરબીમાં વરસાદ થશે. ગીર સોમનાથ, જૂનાગઢ, વલસાડ અને નવસારીમાં પણ વરસાદ પડશે. જ્યારે અમદાવાદ, વડોદરા, ગાંધીનગરમાં વરસાદી ઝાપટાની શક્યતા છે.