વરસાદ / વરસાદને પગલે અરવલ્લીમાં મગફળી , મકાઈ સહિતના પાકો પલળી જતા ખેડૂતોને મોટું નુકશાન

• અરવલ્લીવાવાઝોડા સાથે વરસાદ વ્યાપક નુકશાન 
• સરકાર દ્વારા સર્વે કરી 
• યોગ્ય વળતરની માંગ 
   

અરવલ્લી જિલ્લામાં શામળાજી, માલપુર, મેઘરજ , મોડાસા તાલુકામાં વાવાઝોડા સાથે વરસાદ થયો હતો. હવામાન ખાતાની આગાહી બાદ અરવલ્લી જીલ્લામાં વાતાવરણમાં પલટો આવ્યો હતો. જીલ્લાના ભિલોડા તાલુકાના શામળાજી પંથકમાં ગાજીવીજ અને વાવાજોડા સાથે ધોધમાર વરસાદ થતા વિસ્તારમાં મગફળી, મકાઈ સહિતના પાકોને વ્યાપક નુકશાન થયું છે. જેના પગલે  ખેડૂતોને મોટું નુકશાન સહન કરવાનો વારો આવ્યો છે.  ખેડૂતોએ ચાલુ ખરીફ સીજનમાં કુલ 2 લાખ હેક્ટર જમીનમાં ચોમાસું વાવેતર કર્યું છે. ઓચિંતા આવેલા વરસાદે ખેડૂતોના પાકને ભીંજાવી દેતાં પાક ઘાસચારામાં પણ કામ લાગે તેવો રહ્યો નથી, જેથી ખેડૂતો મુશ્કેલીમાં મુકાયા છે અને સરકાર દ્વારા સર્વે કરી યોગ્ય વળતર અપાય તેવી માંગ કરી રહ્યા છે.

મગફળી , મકાઈ સહિતના પાકો પલળી જતા ખેડૂતોને મોટું નુકશાન

અરવલ્લી જીલ્લાના ભિલોડા તાલુકામાં આવેલા શામળાજી પંથકના કે જ્યાં ઓચિંતા આવેલા વાવાજોડા સાથેના વરસાદે ખેડૂતોના મોઢામાં આવેલો  કોળીયો છીનવી લેતા જગતનો તાત મુશ્કેલીમાં મુકાયો છે ગત મોડી રાત્રી દરમિયાન વાતાવરણમાં આવેલા પલટા બાદ શામળાજી પંથકના વેણપુર , શામળપુર , ખારી , ખેરંચા ,રંગપુર સહિતના વિસ્તારોમાં વાવ્જોડા સાથે ધોધમાર વરસાદ વરસ્યો હતો જેના પગલે ખેડૂતોએ પોતાના ખેતરોમાં સુકાવવા મુકેલો મગફળી , મકાઈ સહિતના પાકો પલળી જતા ખેડૂતોને મોટું નુકશાન સહન કરવાનો વારો આવ્યો છે

ભિલોડા તાલુકામાં ૭૧૫૫ હેકટર જમીનમાં મગફળી , ૧૦૪૩૪ હેકટરમાં મકાઈ , ૪૨૩ હેકટરમાં કપાસ, અડદ સહીતના પાકોનું વાવેતર

 ખેડૂતોએ ચાલુ ખરીફ સીજનમાં કુલ ૨ લાખ હેક્ટર જમીનમાં ચોમાસું વાવેતર કર્યું છે જે પૈકી જે પૈકી ભિલોડા તાલુકામાં ૭૧૫૫ હેકટર જમીનમાં મગફળી , ૧૦૪૩૪ હેકટરમાં મકાઈ , ૪૨૩ હેકટરમાં કપાસ, અડદ સહીતના પાકોનું વાવેતર કર્યું છે ત્યારે ઓચિંતા આવેલા વરસાદે ખેડૂતોના પાકને ભીંજાવી દેતાં પાક ઘાસચારામાં પણ કામ લાગે તેવો રહ્યો નથી જેથી ખેડૂતો મુશ્કેલીમાં મુકાયા છે અને સરકાર દ્વારા સર્વે કરી યોગ્ય વળતર અપાય તેવી માનાગ કરી રહ્યા છે