ગુજરાતમાં વરસાદને લઈને અંબાલાલ પટેલની આગાહી સામે આવી છે. ગુજરાતમાં ચોમાસું સારૂ રહેશે તેમ જણવતા ઉત્તર ગુજરાત અને મધ્યગુજરાતમાં વરસાદ અંગે અંબાલાલ પટેલે શું આગાહી કરી આવો જાણીએ.
રાજ્યમાં વરસાદને લઈને અંબાલાલ પટેલની આગાહી
રાજ્યમાં વરસાદી માહોલ યથાવત રહેશેઃ અંબાલાલ
દક્ષિણ ગુજરાત, સૌરાષ્ટ્રમાં મધ્યમ વરસાદ રહેશેઃ અંબાલાલ
રાજ્યમાં વરસાદને લઇને હવામાન નિષ્ણાંત અંબાલાલ પટેલે આગાહી કરી છે. રાજ્યમાં હાલ વરસાદી માહોલ યથાવત રહેશે. દક્ષિણ ગુજરાત, સૌરાષ્ટ્રમાં 3 દિવસ મધ્યમ વરસાદની આગાહી કરી છે. જ્યારે મધ્ય ગુજરાત અને ઉત્તર ગુજરાતમાં વરસાદી ઝાપટા પડશે.
બંગાળની ખાડીમાં લો પ્રેશર સક્રિય થશે. તો મધ્ય ગુજરાતમાં 12થી 16 ઓગસ્ટે ભારે વરસાદ રહેશે. અમરેલી, રાજકોટ, ભાવનગર, મોરબીમાં વરસાદ થશે. ગીર સોમનાથ, જૂનાગઢ, વલસાડ અને નવસારીમાં પણ વરસાદ પડશે. જ્યારે અમદાવાદ, વડોદરા, ગાંધીનગરમાં વરસાદી ઝાપટાની શક્યતા છે.