અમદાવાદમાં અનરાધાર વરસાદ વરસી રહ્યો છે. છેલ્લા પાંચ દિવસથી ગુજરાતમાં મેઘો મંડાયો છે. ત્યારે અમદાવાદમાં પણ ધીમીધારનો વરસાદ ચાલુ જ છે. બંગાળની ખાડીમાં સર્જાએલા પ્રેશરને કારણે હજુ વરસાદની આગાહી છે.
આગામી 4 દિવસ પણ વરસાદની આગાહી
બંગાળની ખાડીમાં બન્યો લો પ્રેશર એરિયા
અમદાવાદમાં સિઝનનો 42 ટકા અંદાજિત વરસાદ
અમદાવાદમાં પણ વરસાદી માહોલ જામ્યો છે. અમદાવાદમાં સતત પાંચમાં દિવસે વરસાદ વરસ્યો છે. તો બીજી તરફ આગામી 4 દિવસ વરસાદની આગાહી કરવામાં આવી છે. બંગાળની ખાડીમાં લો પ્રેશર એરિયા બનતા વરસાદી માહોલ જામ્યો છે. તો અમદાવાદમાં સિઝનનો અંદાજિત 42 ટકા વરસાદ નોંધાયો છે.
રાજ્યમાં આજે પણ વરસાદની આગાહી કરવામાં આવી છે. રાજ્યમાં સાર્વત્રિક વરસાદની આગાહી કરવામાં આવી છે .ઉત્તર અને મધ્ય ગુજરાતમાં પણ સારો વરસાદ વરસી શકે છે...સૌરાષ્ટ્ર, દક્ષિણ ગુજરાતમાં પણ વરસાદની આગાહી કરવામાં આવી છે.
છેલ્લા એક દિવસમાં મધ્ય ગુજરાતમાં પણ સારો વરસાદ વરસ્યો છે. પાટણ, મહેસામા, અરવલ્લી, સાબરકાંઠા, અમદાવાદ, ગાંધીનગરમાં વરસાદની આગાહી કરવામાં આવી છે. તો સાથે જ વડોદરા, આણંદ, ખેડા, સુરત, નવસારી, વલસાડ, ડાંગ, આહવામાં પણ વરસાદની શક્યતા છે. તો સૌરાષ્ટ્રમાં અમરેલી, ભાવનગર, મોરબી, રાજકોટ, ગીર સોમનાથ અને જૂનાગઢમાં પણ વરસાદ વરસી શકે છે.