વરસાદ / Monsoon 2020: ગુજરાતમાં 69 તળાવ હાઈઅલર્ટ પર, NDRFની ટીમ સ્ટેન્ડ ટુ રખાઈ

• ગુજરાતમાં 69 જળાશય હાઈઅલર્ટ પર
• સારા વરસાદને પગલે જળાશયોમાં પાણીની આવક
• વરસાદની આગાહીને પગલે NDRFની ટીમ સ્ટેન્ડ બાય

રાજ્યમાં વરસાદી માહોલ જામ્યો છે. ભારે વરસાદના કારણે અનેક જળાશયોમાં પાણીની આવક થઇ છે જેને લઇને રાજ્યમાં 69 જળાશયો હાઇઅલર્ટ પર છે.

વરસાદની આગાહીને પગલે NDRFની ટીમ સ્ટેન્ડ બાય

16 અને 17 ઓગસ્ટે ઉત્તર ગુજરાત અને સૌરાષ્ટ્રમાં અતિભારે વરસાદની આગાહી કરવામાં આવી છે. જેને લઇને માછીમારોને દરિયો ખેડવા પર પ્રતિબંધ લગાવી દેવામાં આવ્યો છે. સાથે જ વરસાદની આગાહીના પગલે NDRFની ટીમ પણ સ્ટેન્ડ બાય રાખવામાં આવી છે.

ગુજરાતના 205 જળાશયમાં કુલ સંગ્રહ 55.75 ટકા

રાજ્યના 205 જળાશયોમાં કુલ સંગ્રહ 55.75 ટકા છે. સરદાર સરોવરમાં હાલની સપાટી 119.47 મીટર છે. સરદાર સરોવરમાં 1.71 લાખ MCFT પાણીનો સંગ્રહ છે. કુલ સંગ્રહ શકિતના 51.19% પાણીની સપાટી નોંધાઇ છે.