ગુજરાતમાં 107 ડેમ અલર્ટ પર છે. અને 14 ડેમને વોર્નિંગ આપવામાં આવી છે. વળી ાવતા પાંચ દિવસ ગુજરાતમાં ભારેથી અતિભારે વરસાદની આગાહી છે. છેલ્લા 5 દિવસમા 6,194 લોકોનુ સ્થળાંતર કરવામાં આવ્યું છે. જેમાંથી 3,213 લોકો ઘરે પરત ફર્યા, 2981 લોકો હજુ આશ્રયસ્થાન પર છે. રાજ્યના 323 રસ્તાઓ ભારે વરસાદના કારણે બંધ કરવામાં આવ્યા છે.
રાજ્યના 323 રસ્તાઓ ભારે વરસાદના કારણે બંધ
હજુ આગામી 5 દિવસ ભારે વરસાદ ની આગાહી
રાજ્યમાં 39 નદીઓ અને 44 તળાવો ઓવરફ્લો થયા
રાજ્યમાં અત્યાર સુધીમાં સિઝનનો 83.59% વરસાદ વરસી ચૂક્યો છે. રાજ્યમાં 7 તાલુકાઓમાં 10 ઇંચથી ઓછો વરસાદ છે. સરદાર સરોવર ડેમમા 54.48% પાણીનો જથ્થો ભરાઈ ચુક્યો છે. 205 જળાશયોમાં 64% કરતા વધુ જળસંગ્રહ થયો છે.
107 ડેમ હાઈઅલર્ટ પર
90%થી વધારે ભરાયા હોય તેવા 98 ડેમો હાઈએલર્ટ પર છે જ્યારે 80 થી 90% ભરાયા હોય તેવા 9 ડેમો એલર્ટ પર છે. 70%થી વધારે ભરાયેલા 14 ડેમો વોર્નિંગ સ્ટેજ પર મુક્યા છે. નર્મદા ડેમમા 18,943 ક્યુસેક પાણીની આવક થઈ છે. ઉકાઈ ડેમમાં 68,699 ક્યુસેક પાણીની આવક થઈ છે.
6,194 લોકોનુ સ્થળાંતર કરવામાં આવ્યું
રાજ્યમાં 39 નદીઓ અને 44 તળાવો ઓવરફ્લો થયા છે. છેલ્લા 5 દિવસમા 6,194 લોકોનુ સ્થળાંતર કરવામાં આવ્યું છે. જેમાંથી 3,213 લોકો ઘરે પરત ફર્યા, 2981 લોકો હજુ આશ્રયસ્થાન પર છે. રાજ્યના 323 રસ્તાઓ ભારે વરસાદના કારણે બંધ કરવામાં આવ્યા છે.
હજુ આગામી 5 દિવસ ભારે વરસાદ ની આગાહી
આગામી 5 દિવસમાં ભારેથી અતિભારે વરસાદની આગાહી કરવામાં આવી છે. રાજ્યમાં 21 થી 27 ઓગસ્ટ સુધી વરસાદની આગાહી કરવાામાં આવી છે. તમામ વિભાગોને એલર્ટ રહેવા સરકારે આદેશ કર્યા છે. તેમજ જરૂરી આગોતરી તૈયારીઓ કરવાના સરકારે આદેશ કર્યા છે. આ સાથે સાબરકાંઠા, અરવલ્લી, આણંદ, પંચમહાલ, દાહોદ, મહિસાગરમાં વરસાદની આગાહી કરવામાં આવી છે. વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારીમાં વરસાદની આગાહી કરવામાં આવી છે. તેમજ તાપી, સુરેન્દ્રનગર, દ્વારકા, વલસાડ, જામનગર, બનાસકાંઠા, પાટણ, મહેસાણા, પોરબંદર, મોરબી માટે આગાહી કરવામાં આવી છે.
ક્યાં કેટલો વરસાદ?
રાજ્યમાં એક જ દિવસમાં 155 તાલુકામાં વરસાદ પડ્યો છે. જેમાં સૌથી વધુ સુરતના ઉમરપાડામાં સવા 5 ઈંચ વરસાદ નોંધાયો છે...જ્યારે લોધિકામાં પોણા 4 ઈંચ, મોરબીમાં 3 ઈંચ,અંજારમાં 2.5 ઈંચ વરસ્યો છે...તો દસાડા અને રાજકોટમાં 2 ઈંચ.કુકરમુંડા અને તિલકવાડામાં પોણા 2 ઈંચ, દાંતીવાડા, વિસાવદર, ધોલેરા, વડોદરા અને સાગબારામાં 1.5 ઈંચ વરસાદ પડ્યો છે...આ ઉપરાંત માળિયા, મેંદરડા, જૂનાગઢ, જામ કંડોરણા, આંકલાવ અને નાંદોદમાં સવા ઈંચ વરસાદ નોંધાયો છે...જ્યારે વાગરા,માળિયા મિયાણા,ટંકારા,લાખણી, ભચાઉ, સુબિર,જામનગર,ગરુડેશ્વર,પ્રાંતિજ અને સાણંદમાં 1 ઈંચ વરસાદ પડ્યો છે.