હવામાન વિભાગ દ્વારા ચોમાસાની આગાહી કરવામાં આવી છે. આ વર્ષે ચોમાસુ સાર રહેવાની આગાહી કરાઈ રહી છે. ગાજવીજ સાથે કેટલી જગ્યાએ કરા પડવાની પણ આગાહી કરવામાં આવી રહી છે. ગુજરાતમાં આ વખતે ચોમાસુ વહેલું બેસવાની હવામાન વિભાગની આગાહી છે.
હવામાન વિભાગ દ્વારા સારા ચોમાસાની આગાહી
આ વર્ષે દક્ષિણ-પશ્ચિમ ચોમાસુ વહેલુ આવશે
દક્ષિણ અંદામાન સમુદ્રમાં લો પ્રેશરના 2 ઝોન બન્યા
1 જૂનથી ચોમાસુ કેરળ પહોંચશે. હવામાન વિભાગે સારા ચોમાસાની આગાહી કરી છે. આ વર્ષે દક્ષિણ-પશ્ચિમ ચોમાસુ વહેલું આવશે. દક્ષિણ અંદામાન સમુદ્રમાં લો પ્રેશરના 2 ઝોન બન્યા છે. આવતીકાલે ચોમાસુ શ્રીલંકા પહોચશેય આજે અને કાલે કેરળ, તમિલનાડુ, પોંડીચેરી, દક્ષિણ કર્ણાટક સહિતના દક્ષિણ રાજ્યોમાં આજે વરસાદની આગાહી કરવામાં આવી છે.
આગામી 16મી મેની આસપાસ અંદામાન નિકોબાર ટાપુ પર ચોમાસાનું આગમન થઇ જશે, એટલે સામાન્ય તારીખ કરતા છ દિવસ વહેલા ચોમાસાની શરૂઆત થવા જઇ રહી છે. હવામાન વિભાગના જણાવ્યા અનુસાર અંદામાન નિકોબાર પર સામાન્ય રીતે 20મી મે એ ચોમાસાની શરૂઆત થતી હોય છે, જોકે આ વખતે છ દિવસ વહેલા વરસાદ પડવાની શક્યતાઓ છે.
અંદામાન નિકોબારમાં ચોમાસાની શરૂઆત થાય તેના 10-11 દિવસ બાદ કેરળમાં પણ ચોમાસાની શરૂઆત થતી હોય છે. સાથે જ 16મી તારીખે અનેક રાજ્યોમાં વાવાઝોડાની ચેતવણી જારી કરવામાં આવી છે.