પ્રિમોન્સુન કામગીરીઓ કાયમ ચોમાસામાં પલળી જાય છે એટલું જ નહીં પરંતુ ભરાયેલા પાણીનો નિકાલ કરવામાં પણ તંત્ર ઠાગાઠૈયા કરે છે, જે મોટા મોટા આંકડાઓ રિસરફેસિંગ અને રિપેરિંગને નામે ખર્ચવામાં આવે છે. ટાઉન પ્લાનિંગની જે વાતો છે એ મુજબ તો અમદાવાદ મોડેલ વિશ્વનું સૌથી બેસ્ટ મોડેલ હોવું જોઈએ પણ સીટી કરતા પણ નવા વિસ્તારોમાં પાણી નિકાલની વ્યવસ્થા માટે તંત્ર નિષ્ફળ પુરવાર થયું હોવાનો બોલોત પુરાવો છે આ વીડિયો.
અમદાવાદના ચાચરવાડી ગામના ખેતરો પાણીમાં
ગેલોપ્સ ઇન્ડસ્ટ્રીયલ પાર્કની દિવલના કારણે ભરાયા પાણી
દિવાલના લીધે ગામમાંથી નથી થતો પાણીનો નિકાલ
ગુજરાત મોડેલની વાતો બધી બોદી પુરવાર થઈ રહી હોવાનો આક્ષેપ વારંવાર થાય છે ત્યારે ખરેખેર ખાડાઓથી ભરેલા હાઈવે, ખુલ્લી ગટરો, દિવસો સુધી વરસાદી પાણીનો નિકાલ ન કરી શકનાર તંત્ર શું ખરેખર ભારત માટે મોડેલ છે? તેવા પ્રશ્નો વારંવાર ઉઠે છે. થોડાક અમથા વરસાદમાં તો વરસાદી પાણી ઘરોમાં ઘુસી જાય છે અને એટલું જ નહીં પરંતુ આ પાણીનો નિકાલ પણ કરવામાં આવતો નથી. ત્યારે લોકો પોતાના જ રહેણાંક છોડવા મજબૂર બને છે.
અમદાવાદથી માત્ર 15 કિમી દૂર આવેલા ચાચરાવાડી ગામના ખેતરો પાણીમાં ગરકાવ થયા છે. ગેલોપ્સ ઇન્ડસ્ટ્રીયલ પાર્કની દીવાલના કારણે ખેતરોમાં પાણી ભરાયા હોવાનો સ્થાનિકોએ આક્ષેપ કર્યો છે. દીવાલના લીધે ગામમાંથી પાણીનો નિકાલ થતો નથી. જેને લઈને માત્ર 2 થી 3 ઈંચ વરસાદમાં જ ગામ પાણીમાં ગરકાવ થાય છે. હાલ પાણી ભરાવાથી લોકો ઘર છોડવા મજબૂર થયા છે. ગામ છોડીને લોકો અન્ય સ્થળે સ્થળાંતર કરી રહ્યા છે.