રાજકોટના જામ કંડોરણા તાલુકાના રામપર ગામની ભારે વરસાદને કારણે નદીમાં ધસમસતા પ્રવાહમાં એક કાર તણાઈ હતી જેને પગલે કારમાં સવાર લોકોમાંથી બે મહિલઓના મોત થયા છે જ્યારે કાર ચાલકને બચાવી લેવાયો છે અને એક મહિલાની શોધખોળ હજુ ચાલુ છે.
ધસમસતા પૂરમાં તણાઈ કાર
3 મહિલાઓના પૂરમાં તણાવાને લીધે મોત થવાની આશંકા
2ના મૃતદેહ બહાર કઢાયા એક મહિલાની શોધખોળ ચાલુ
રાજયભરમાં છેલ્લા કેટલાક દિવસોથી વરસી રહેલા વરસાદે પુરની સ્થિતિનું નિર્માણ કર્યુ છે જેમાં આજે રાજકોટના રામપર ગામે એક કાર ધસમસતા પાણીમાં તણાઈ ગઈ હતી જેમાં સવાર પાંચ લોકોમાંથી 3ના તણાઈને પાણીમાં ડુબી જાવથી મોત થયા હોવાની આશંકા છે. જેમાં 2 મહિલાઓના મૃતદેહને NDRFની ટીમે શોધી કાઢ્યા છે જ્યારે એક મહિલા લા પતા છે.
ગોંડલથી પરિવાર જઈ રહ્યો હતો સગાઈમાં
ગોંડલ તાલુકાના ખડવંથલી ગામથી એક પરિવાર રામપર સગાઈ પ્રસંગે આવી રહ્યો હતો. તેમાં 3 મહિલાઓ અને બે વ્યક્તિ સવાર હતા જે પૂરમાં તણાયા હતા. રામપર ગામની પાસેની નદી ઉપરના કોઝવે અને પુલ ઉપરથી પસાર થતા કાર પૂરના ઝપેટામાં આવી હતી.
ધોરાજી, ગોંડલના ફાયર ફાઈટર ઘટના સ્થળે દોડી આવ્યા હતા
વરસાદને કારણે આવેલ છેલમાં ધસમસતા પાણીમાં કાર પ્રવાહમાં તણાઈ હતી. જો કે ગામના લોકોએ તુરંત જ મદદે આવીને કાર ચાલકને તો બચાવી લીધો હતો પરંતુ 3 મહિલાઓમાંથી બેના મોત થયા છે અને એક મહિલા લાપતા છે. કાર રેસક્યુ કરવા માટે ગોંડલ, ધોરાજી સહિતના ફાયર ફાઈટર ઘટના સ્થળે દોડી આવ્યા હતા.
2 મહિલાના મોત 1 લાપતા
બે મહિલાઓના મોત થયા છે જ્યારે એક મહિલા લા પતા છે. NDRFની ટીમ કામે લાગી છે.