ઉત્તરપ્રદેશના મેરઠની મેડિકલ કૉલેજમાં વાંદરાઓએ આતંક મચાવ્યો છે. તપાસ માટે લેવામાં આવી રહેલા કોરોનાના ત્રણ દર્દીઓના સેમ્પલ વાંદરાઓ લઇને ચાલ્યા ગયા. બાદમાં દર્દીઓના ફરીથી સેમ્પલ લેવામાં આવ્યા હતા.
વાનર બ્લડ સેમ્પલ લઈને ફરાર
કોરોનાના દર્દીને સેમ્પલ છીનવ્યા
દર્દીના ફરીથી લેવાયા સેમ્પલ
ઉત્તરપ્રદેશ એક તરફ કોરોના સામે લડવા માટે સ્વાસ્થ્ય વ્યવસ્થામાં સુધારો કરી રહ્યું છે. તો બીજી તરફ સ્વાસ્થ્ય કર્મીઓને અલગ જ પડકારનો સામનો કરવો પડી રહ્યો છે. મેરઠમાં વાનરોએ મેડિકલ કોલેજને પરેશાન કરી મુકી છે. મેડિકલ કોલેજમાં વાનર સતત દર્દી, ડોક્ટર અને પેરા મેડિકલ સ્ટાફને પરેશાન કરે છે. તાજેતરમાં થયું એમ.કે. મેડિકલ કોલેજમાં વાનરે એક લેબ ટેક્નીશિયન પાસેથી કોરોનાના સેમ્પલ છીનવી લીધા અને આ ઘટનાનો વીડિયો વાયરલ થઈ ગયો. ભારે મુશ્કેલી બાદ પણ વાનર હાથ ન લાગ્યો. આખરે દર્દીના ફરીથી બ્લડ સેમ્પલ લેવામાં આવ્યા હતા.
આ ઘટના બે દિવસ પહેલાની છે. આ ઘટનાનો વીડિયો સામે આવ્યો છે. વીડિયોમાં વાનર પેડ પર બેઠા છે અને સેમ્પલ કલેક્શન કિટ ચાવી રહ્યા છે. ત્યારે આ અંગે ડૉ. ધીરજ બાલિયાનનું કહેવું છે કે લેબ ટેક્નીશિયને તેમને આ માહિતી આપી હતી. વાનર સ્વાસ્થ્ય કર્મીઓ પાસેથી સેમ્પલ છીનવી લઇ ગયા હતા. તેમણે કિટ ફાડીને સેમ્પલ નષ્ટ કરી દીધા હતા. બાદમાં ફરી વખત દર્દીઓના સેમ્પલ લેવામાં આવ્યા.
In a shocking incident, a monkey snatched blood samples of Covid-19 patients being taken to the LLRM lab. Inquiry set up & the lab technician has been asked to give written explanation about why did he continue to make a video instead of asking for help.#Meerut#Coronaviruspic.twitter.com/N2bCeO2QA2
વધુમાં તેમણે જણાવ્યું કે, વાનર ઝાડ પર ચડી ગયા હતા. તે સેમ્પલના સંપર્કમાં કોઈ વ્યક્તિ નથી આવ્યું. પરંતુ લોકોમાં ચર્ચા છે કે કંઇક વાનર તો સંક્રમિત નહીં થઇ જાયને. આના પર હજુ સુધી કોઈ શોધ નથી થઇ, એટલા માટે હજુ કંઇ કહી ના શકાય.