શૂટર દાદી / શૂટર દાદી ચંદ્રા તોમર ઉપર વાંદરાએ કર્યો હુમલોઃ 87 વર્ષે કરવી પડી સર્જરી

દુનિયાના સૌથી મોટી ઉંમરના શૂટર ચંદ્રો તોમર ઉપર વાંદરાઓએ હુમલો કર્યો હતો. જ્યારે વાંદરાએ હુમલો કર્યો ત્યારે શૂટર દાદી ખુરશીમાં બેઠા હતા અને ખુરશીમાંથી ઢળી પડ્યા હતા. જેને કારણે તેમના ડાબા પગનું હાડકુ બટકાઈ ગયુ હતું. તેમના પરિવારજનોએ તુરંત જ તેમને એઈમ્સમાં દાખલ કર્યા હતા. આ ઘટના 3જી સપ્ટેમ્બરના રોજ ઘટી હતી. ગુરુવારે તેમનું ઓપરેશન કરવામાં આવ્યું હતુ જેને પરિણામે હાલ તેમની તબિયત સુધારા ઉપર છે. જો કે ડોક્ટરોનું કહેવુ છે કે, હાડકાની સર્જરી કરવી પડશે. 

ઉત્તરપ્રદેશના બાગપતના જનપદના જૌહડી ગામમાં શૂટર દાદી ચંદ્રો તોમર પરિવારના સભ્ય સુમિત રાઠીએ જણાવ્યુ હતુ કે દાદી નવા બની રહેલા શુટીંગ રેંજને જોવા ગયા હતા. અને જ્યારે તેઓ એકલા ખુરશી ઉપર બેઠા હતા ત્યારે એક વાંદરાઓના ટોળાએ હુમલો કર્યો હતો. વાંદરાઓથી બચવા માટે દાદી ખુરશી ઉપરથી ઉભા થવા ગયા અને જમીન ઉપર ચત્તાપાટ થઈ ગયા હતા. ત્યારે ત્યાં હાજર પરિવારજનો અને અન્ય માણસોએ માંડ માંડ વાંદરાના ટોળાને ભગાડ્યું હતુ. આ માટે ચંદ્દો દાદીને પહેલા તો તેમના પરિવારજનો મેરઠ લઈ ગયા હતા પરંતુ ત્યાંથી તેમને એઈમ્સ હોસ્પિટલ ખાતે લઈ જવાની સલાહ આપવામાં આવી હતી અને તેમને ત્યાં ખસેડવામાં આવ્યા હતા. 

એઈમ્સના ઓર્થોપેડિક ડિપાર્ટમેન્ટના ડોક્ટરોનું કહેવું છે કે, ડાબા પગનું હાડકું તુટી ગયુ હતુ જેનું ઓપરેશન સફળ રહયુ છે પરંતુ તેમની ઉમંર 87 વર્ષની છે જેથી ઓપરેશન સફળ થશે કે નહી તે અંગે અમને શંકા હતા. પણ આખરે તેમની સર્જરી કરવાનો નિર્ણય લીધો હતો અને તેમા સફળ રહ્યા હતા. 

શૂટર દાદીની બાયોપીત દિવાળીમાં રીલીઝ થવાની છે. જેનું નામ છે સાંડની આંખ. આ ફિલ્મના ડબીંગને લગતી વિગતો માટે શૂટર દાદીએ ગત્ શુક્રવારે મુંબઈ જવાનું હતુ પરંતુ હોસ્પિટલમાં દાખલ થવાને કારણે હવે તે પાછુ ઠેલાયુ છે.