ચેતવું જરૂરી / મંકીપૉક્સની ભારતમાં એન્ટ્રી: આ લક્ષણો દેખાય તો થઈ જજો ઍલર્ટ, જાણો કઈ રીતે થાય છે સારવાર

• ભારતમાં મંકિપોક્સની એન્ટ્રી થઈ ચૂકી છે
• 99 ટકા મંકિપોક્સના કેસ સજાતિય સંબંધોને કારણે ફેલાયા છે
• મંકીપોકસના શરૂઆતી દિવસોમાં વ્યક્તિને તાવ આવે છે

ભારતમાં મંકિપોક્સની એન્ટ્રી થઈ ચૂકી છે અને કેરળમાં યુએઈથી આવેલા એક વ્યક્તિમાં મંકિપોક્સના લક્ષણો જોવા મળ્યાં છે. ત્યારે હવે આ વાયરસને લઈને ભારતના ચેપી રોગના નિષ્ણાંત ડોક્ટર ઈશ્વર ગિલાડાએ મહત્વની માહિતી જાહેર કરી છે. ડોક્ટર ગિલાડાએ કહ્યું કે MSMમાં 99 ટકા મંકિપોક્સના કેસ સજાતિય સંબંધોને કારણે છે જ્યારે અમેરિકા, કેનેડા, ઓસ્ટ્રેલિયા અને બીજા દેશોમાં 80 ટકા કેસ સજાતિય સંબંધોને કારણે નોંધાયા છે. તેમણે કહ્યું કે મંકિપોક્સ મુખ્યત્વે ગાઢ કે અતિશય ગાઢ સંપર્કોને કારણે ફેલાય છે. 

WHOના જણાવ્યા અનુસાર મંકીપોક્સ પશુઓથી મનુષ્યોમાં ફેલાવવાળી સંક્રમિત બિમારી છે અને તેના લક્ષણ ચેચકના દર્દીઓ જેવા હોય છે. આ બીમારી મોટા ભાગે પશ્ચિમી અને મઘ્ય અમેરિકામાં જોવા મળે છે. પરંતુ અત્યાર સુધી આ રોગ 70 દેશોમાં ફેલાઈ ચુક્યો છે. આ દેશોમાં મંકીપોક્સના 10,400થી વધુ કંન્ફોર્મ કેસો સામે આવી ચુક્યા છે. ગત 12મી જુલાઈએ સામે આંક પ્રમાણે બ્રિટેનમાં માથી મંકીપોક્સના 1735 કેસોનું પુષ્ટિ કરવામાં આવ્યા છે.તો આ બાજુ સ્પેનમાં મંકીપોક્સના 2447 મામલઓ સામે આવી ચુક્યા છે.આ સાથે મંકીપોક્સના મામલામાં  જર્મની, ફ્રાન્સ અને ગ્રીસ અને અન્ય યુરોપના કેટલાક દેશોનો સમાવેશ થાય છે. 

ભારતમાં પણ મંકિપોક્સની એન્ટ્રી થઈ છે. કેરળમાં યુએઈથી આવેલા એક શખ્સમાં મંકિપોક્સના લક્ષણો જોવા મળ્યાં છે. દર્દીને હાલમાં કોલ્લમ જિલ્લાની હોસ્પિટલમાં આઈસોલેટ કરીને સારવાર કરાઈ રહી છે. આજે અમે તમને મંકીપોકસના લક્ષણો, ઈલાજ અને વેક્સિનને લઈને માહિતી આપવા જઈ રહ્યા છીએ. 
 
શું છે મંકીપોકસ? 
મંકીપોકસ એક જૂનોસિસ વાયરસ છે. આ વાંદરા, ઉંદર, ખિસકોલી જેવા જાનવરો દ્વારા ફેલાય છે. મંકીપોકસ અછબડા વાયરસના પરિવારનો જ એક સદસ્ય છે. મંકીપોકસના વધુ પડતાં કેસ ટ્રોપિકલ રેન ફોરેસ્ટના નજીક મધ્ય અને પશ્ચિમ આફ્રિકામાં જોવા મળે છે. આ વાઇરસનો ઈલાજ પણ ઉપલબ્ધ છે. WHO અનુસાર મંકીપોકસથી મૃત્યુ દર 3-6 ટકા છે. મંકીપોકસનો પહેલો કેસ 1958માં એક વાંદરામાં નજર આવ્યો હતો. એ પછી 1970માં 10 આફ્રીકી દેશમાં આ કેસ ફેલાયો હતો. 2003માં અમેરિકામાં તેનો પહેલો કેસ સામે આવ્યો હતો. વર્ષ 2017માં નાઇજેરિયામાં મંકીપોકસ બીમારી ફાટી નીકળી હતી. જેના 75 ટકા દર્દીઓ પુરુષ હતા. 2018માં બ્રિટનમાં પહેલો કેસ સામે આવ્યો હતો. 

શું છે મંકીપોકસના લક્ષણો?
મંકીપોકસના શરૂઆતી દિવસોમાં વ્યક્તિને તાવ આવે છે. તેના પછી ધીરે ધીરે શરીર પર લાલ ચાઠા અને ફોલ્લીઓ થવા લાગે છે. સતીહએ જ શરીરમાં દુખાવો, થાક, ગળામાં ખરાશ જેવા લક્ષણો જોવા મળે તો ડોક્ટરની સલાહ લેવી જોઈએ. WHO અનુસાર મંકીપોકસના લક્ષણો 5 દિવસથી શરૂ કરીને 21 દિવસો સુધીમાં સામે આવે છે. તેના શરૂઆતી લક્ષણો તાવ જેવા હોય છે પણ ધીરે ધીરે શરીર પર લાલ ચાઠા અને ફોલ્લીઓ થવા લાગે છે. સાથે જ ચહેરા પર પણ ફોલ્લીઓ થવા લાગે છે. 

કેવી રીતે ફેલાય છે મંકીપોકસ? 
એક્સપર્ટનું કહેવું છે કે મંકીપોકસ સંક્રમિત વ્યક્તિની નજીક જવાથી આ  બીમારી ફેલાય છે. આ વાઇરસ દર્દીના શરીર પર કોઈ ઘા પરથી નીકળીને આંખ, નાક અને મોઢા દ્વારા શરીરની અંદર પ્રવેશે છે. સાથે જ આ વાઇરસ સંક્રમિત વાંદરા, કુતરા અને ખિસકોલી જેવા જાનવરોના સંપર્કમાં આવવાને કારણે પણ ફેલાય છે.  એક સંક્રમિત વ્યક્તિ પાસેથી ફક્ત બીજા એક જ વ્યક્તિને આ સંક્રમણ લાગી શકે છે. મંકીપોકસથી સંક્રમિત વ્યક્તિને 21 દિવસ સુધી આઇસોલેટ કરી દેવાથી આ વાઇરસનું સંક્રમણ અટકાવી શકાય છે. 

ઓરી-અછબડાની વેક્સિન કામ લાગી શકે 
ડોક્ટર ગિલાડાએ કહ્યું કે હાલમાં મંકીપોક્સ માટે કોઈ સંપૂર્ણ સારવાર નથી. જ્યારે શીતળાની રસી ઉપયોગી થઈ શકે છે કારણ કે તે મંકીપોક્સને અટકાવી શકે છે અને મંકીપોક્સની સારવાર માટે ઉપચારાત્મક એજન્ટ તરીકે કાર્ય કરી શકે છે. આપણે કોઈપણ કલંક/ભેદભાવથી બચવું જોઈએ અને સાવચેતી રાખવી જોઈએ. 

સ્મોલ પોક્સની વેક્સિન ન લેનાર લોકો પર ખતરો 
સફદરગંજ હોસ્પિટલના મેડિસન ડિપાર્ટમેન્ટના પ્રોફેસર ડોક્ટર જુગલ કિશોરે કહ્યું કે જે લોકોએ સ્મોલ પોક્સ (ઓરી-અછબડા)ની વેક્સિન લીધી નથી, તેમણે મંકિપોક્સથી બચાવ કરવો પડશે કારણ આ વાયરસ ઝડપથી ફેલાય છે. સંક્રમિતના સંપર્કમાં આવવાથી આ વાયરસ એક બીજા વ્યક્તિમાં ફેલાઈ શકે છે. આથી જે લોકોની ઉંમર 40 વર્ષથી ઓછી છે તેમણે વધારે સાવધાની રાખવી પડશે.