દેશ હજૂ તો કોરોનાથી લડી રહ્યો છે, ત્યાં નવી એક બિમારી આવી છે, દેશમાં મંકીપોક્સના ચાર જેટલા કેસો આવી ચુક્યા છે, ત્યારે હવે તેની વેક્સિનને લઈને ડિમાન્ડ પણ થવા લાગશે.
અમે મંકીપોક્સની વેક્સિન બનાવી શકીએ છીએ, પાર્ટનર સાથે વાત ચાલી રહી છે
દેશમાં મંકીપોક્સના ચાર કેસ આવતા જે ચિંતા ઉપજી છે, ત્યારે હવે વેક્સિન નિર્માતા અદાર પૂનાવાલાએ કહ્યું છે કે, તે ઈમરજન્સી સ્થિતિમાં સ્મોલપોક્સની રસીને જથ્થાબંધ આયાત કરવાની શક્યતાએ શોધી રહ્યા છે. તેમણે એવું પણ કહ્યું કે, સીરમ ઈંસ્ટીટ્યૂટ ઓફ ઈંડિયા મંકીપોક્સને એક મેસેન્જર RNA (mRNA) વેક્સિન વિકસિત કરવા માટે નોવાવૈક્સ સાથે વાત કરી રહ્યા છે. પૂનાવાલાએ જણાવ્યું હતું કે, ડેનમાર્કની કંપની બાવેરિયન નોર્ડિક પાસેથી સ્મોલપોક્સની વેક્સિન ત્રણ મહિનામાં ભારતમાં આવી શકે છે. સીરમ ઈંસ્ટીટ્યૂટની પાસે લાયસન્સ અંતર્ગત જથ્થાબંધમાં સ્મોલપોક્સની વેક્સિન બનાવાની ક્ષમતા છે.
અમારા પાર્ટનર્સ સાથે અમે વાત કરી રહ્યા છીએ-પૂનાવાલા
તેમણે કહ્યું કે, ટેકનિક જાણકારી રાખતી વેક્સિન નિર્માતા તરીકે અમે પાર્ટનર્સ સાથે વાત કરી રહ્યા છીએ, અમે નોવાવૈક્સ સાથે વાત કરી છે. આપણે હકીકતમાં એ જોવાની જરૂર છે કે શું બહું બધી માગ રહેશે કે, પછી ત્રણ ચાર મહિનામાં તે ખતમ થઈ જશે. પૂનાવાલાએ કહ્યું કે, સૈદ્ધાંતિક રીતે આપણે શરૂઆતથી લઈને એક વેક્સિન બનાવા સુધીની પ્રક્રિયામાં એક વર્ષથી વધારે સમય લાગી શકે છે. ઈમરજન્સી સ્થિતિમાં આપણે તે કંપની દ્વારા બનાવામાં આવેલી પ્રોડક્ટ્સની પૂર્ણ ફિનિશિંગ કરી શકીએ છીએ, જે સુરક્ષાના મુદ્દે ચિંતા વગર ભારતીયો સુધી પહોંચાડી શકાય.
મંકીપોક્સ માટે અમે વેક્સિન બનાવી શકીએ છીએ- પૂનાવાલા
તેમણે કહ્યું કે, આ કોઈ રહસ્ય નથી કે મંકીપોક્સના કેસો આવી રહ્યા છે. આવું દાયકાઓથી થઈ રહ્યું છે. ફરક એટલો જ છે કે, વૈશ્વિક સ્વાસ્થ્ય વ્યવસ્થા સંક્રામક બિમારીઓની ઓળખાણ અને તેનો સામનો કરવો માટે વધારે સજ્જ અને માહિતગાર થઈ રહી છે. જો કે, મંકીપોક્સની વેક્સિન, કોવિડ-19ની વેક્સિનથી અલગ છે. જેમાં અલગ અલગ પ્રકારની ટેક્નોલોજીનો ઉપયોગ થાય છે. સીરમ ઈંસ્ટીટ્યૂટના પ્રમુખે કહ્યું કે, તમારે તેની વેક્સિન માટે special containment facilities ની જરૂર પડશે. ભારતમાં હાલમાં તે ઉપલબ્ધ નથી. આ બદલી શકાય નહીં. આપણી પાસે અમુક સુવિધાઓ છે, અમે અમારા પાર્ટનર્સ સાથે વાત કરી રહ્યા છીએ, અમે મંકીપોક્સ માટે એક mRNA વેક્સિન બનાવી શકીએ છીએ.