ડોક્ટરની માનવતા / VIDEO : બિહારમાં વાંદરો પહોંચ્યો દવાખાને, દર્દીની જેમ લાઈનમાં બેસીને કરાવી દવા, વીડિયો વાયરલ

• બિહારના સાસારામની અચરજભરી ઘટના
• વાંદરો પહોંચ્યો ડોક્ટરની ક્લિનિક પર
• થયેલી ઈજા માટે દવા લેવા આવ્યો
• દર્દીની જેમ પોતાનો વારો આવે તેની જોઈ રાહ
• ડોક્ટરે તેને ઘાવ મટાડવાની દવા પણ આપી 
• ઘટનાનો વીડિયો વાયરલ

 કંઈ પણ વાગે કે બીમાર પડીએ ત્યારે આપણે જલદીથી ડોક્ટરને ત્યાં પહોંચી જતા હોય છે અને દવા કરાવતા હોય છે. પ્રાણીઓને પણ ઈજા પહોંચતી હોય છે અને તેને પણ દવાની જરુર પડતી હોય છે પરંતુ બિહારના સાસારામમાં બનેલી એક અચરજભરી ઘટનામાં એક વાંદરો દવા લેવા માટે દવાખાને પહોંચ્યો હતો અને આ ઘટનાનો વીડિયો વાયરલ થયો હતો. 

बिहार के सासाराम में आज एक बंदर अपने घायल बच्चे को लेकर एक डॉक्टर के क्लिनिक में पहुँच गया और इलाज कराने के बाद वहाँ से निकला ⁦@ndtvindia⁩ ⁦@Anurag_Dwary⁩ pic.twitter.com/kI7LIpvQw5

— manish (@manishndtv) June 8, 2022

વાંદરાના ચહેરા પર છાલા પડી ગયા હતા 
સાસારામના શાહજામા વિસ્તારમાં આવેલા ડો.એસ.એમ.અહમદના મેડિકો ક્લિનિકમાં બપોરની આસપાસ વાંદરો પ્રવેશ્યો હતો અને દર્દીના પલંગ પર બેઠો હતો. વાંદરાના ચહેરા પર ડાઘ પડી ગયા હતા. ડોક્ટર અહેમદે કહ્યું કે શરૂઆતમાં તે થોડો ડરી ગયો હતો, પરંતુ જ્યારે તેણે વાંદરાનો ચહેરો જોયો ત્યારે તે સમજી ગયો કે તેને ઈજા થઈ છે. ડોક્ટરે તેને ટેટનસનો શોટ આપ્યો અને તેના ચહેરા પર મલમ લગાવ્યું. વાંદરાએ આખી પ્રક્રિયા દરમિયાન ધીરજપૂર્વક પલંગ પર આરામ કર્યો હતો. 

વાંદરાને જોવા માટે લોકોની લાઈન લાગી 
વાયરલ થયેલા વીડિયોમાં જોઈ શકાય છે કે એક વાંદરો એક ક્લિનિકમાં બેઠો હતો અને બહાર તેને જોવા માટે લાઈનો લાગી હતી. વાંદરો દર્દીની જેમ પોતાનો વારો આવે તેની રાહ જોઈને બેઠો હતો અને પોતાનો વારો આવ્યો ત્યારે તે ડોક્ટર પાસે ગયો હતો. ડોક્ટરે પણ તેની સારવાર કરી હતી, ડોક્ટરે તેના ઘા પર મલમપટ્ટો કરીને તેને રાહત આપી હતી. રાહત થતા વાંદરો ત્યાંથી જતો રહ્યો હતો.