કપિરાજની મસ્તી / VIDEO : 2 લાખનો મોંઘો મોબાઈલ ઉઠાવીને વાંદરો ચઢી ગયો બાલ્કનીમાં, 'લાંચ' લીધા બાદ ફેંક્યો નીચે

વાંદરા બુદ્ધિશાળી પ્રાણી ગણાય છે જોકે ક્યારેક તેમને ખોરાક મળતો નથી આથી તેમણે બુદ્ધિનો ઉપયોગ કરીને ભોજન મેળવવું પડતું હોય છે. યુપીના વૃંદાવનમાં એક મસ્તીખોર વાંદરાનો ઉપદ્રવ સામે આવ્યો હતો જેમાં તે એક શખ્સના હાથમાં સેમસંગનો મોંઘો મોબાઈલ તફડાવીને ધાબાની પારી પર ચઢીને બેસી ગયો હતો. આ દરમિયાન જેનો મોબાઈલ ગયો તે તો રડવા જેવો થઈ ગયો હતો, મોબાઈલ કોઈ દશ-વીસ હજારનો નહોતો પરંતુ 2 લાખની આસપાસ હતો.

View this post on Instagram

A post shared by Modern monk 🚩 (@kartik_rathoud_134)

યુક્તિપૂર્વક મોબાઈલ પાછો લેવાયો

ઈન્સ્ટાગ્રામ પર શેર કરેલા વાયરલ વીડિયોમાં વાંદરો બાલ્કનીમાં બેઠો છે, અને તેના હાથમાં ફોન છે, ત્રણ માણસો ફ્રુટીના પેકેટની ઓફર કરીને મોબાઈલને પાછો લેવાની કોશિશ કરી રહ્યાં છે પરંતુ વાંદરો નમતું જોખવાનો ઈન્કાર કરે છે ઘણી વાર સુધી આવી રીતે વાટાઘાટો ચાલુ રહી હતી આખરે એક જણે બુદ્ધિ વાપરી અને ફ્રૂટીનું પેકેટ ઉછાળતાં વાંદરાએ તે ઝીલી લીધું હતું અને બદલામાં મોબાઈલ નીચે ફેંક્યો હતો, જે ત્યાં ઉભેલા લોકોએ કેચ કરી લીધો, આ રીતે શખ્સને તેનો મોંઘો મોબાઈલ પાછો મળી ગયો હતો.

સોશિયલ મીડિયા પર વીડિયો વાયરલ

મોબાઈલ ચોરનાર વાંદરાનો વીડિયો વાયરલ થયો છે, જેના કારણે સોશિયલ મીડિયા યુઝર્સ હેરાન થઈ ગયા છે. ઘણા લોકોએ વાંદરાઓની ચાલાક યુક્તિઓ પર મજાક ઉડાવી છે, અને નોંધ્યું છે કે તેઓએ ફોન અને ચશ્મા જેવી કિંમતી વસ્તુઓ ચોરી કરવાની ચાલાક રણનીતિ વિકસાવી છે, અને પછી ખોરાકના બદલામાં ચોરેલી વસ્તુઓ પાછી આપે દે છે. ઘણા લોકોએ આ ચાલાક વાંદરાઓ સાથેના પોતાના અનુભવો પણ શેર કર્યા છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ