ઉત્તરપ્રદેશ / વકીલના હાથમાંથી બેગ લઇ વાંદરાએ ઝાડ પર ચડીને નોટો ઉડાડી, જુઓ Video

બદાયૂં જિલ્લાના કચેરીના મેદાનમાં તે સમયે સેંકડો લોકોની ભીડ જમા થઇ ગઇ જ્યારે આકાશમાંથી નોટોનો વરસાદ થયો. કચેરીમાં જ કામ કરનાર વકીલ સોબરનસિંહ પોતાના બેગમાં 65 હજાર રૂપિયા લઇને કોઇ પેમેન્ટ કરવા માટે ટ્રેઝરી જઇ રહ્યા હતા, ત્યારે એક વાંદરો આવ્યો અને તેમના હાથમાંથી બેગ છોડાવીને લઇ ગયો.

વાંદરાએ કચેરીના શેડ પર ચઢીને એક ઝાડ પર ચઢી ગયો. ત્યાં બે વાંદરાઓ વચ્ચે બેગને લઇને ખેંચાખેચ થવા લાગી અને બેગ ખુલી ગયું. ત્યારે બન્ને વાંદરાઓ નોટોને બેગમાંથી કાઢીને ઉડાવવા લાગ્યા.

Source: Aaj Ki Khabar

શેડ પર ચઢીને કેટલાક લોકોએ ઉડતી નોટોને જમા કરી અને બેગ માલિકને પરત આપી. જોકે 8 હજાર રૂપિયાની નોટ ફાટી ગઇ. બેગ માલિકને 57 હજાર રૂપિયા પરત મળી ગયા. આ ઘટના મંગળવારની છે, પરંતુ સોશિયલ મીડિયામાં આ વીડિયો વાયરલ થઇ રહ્યો છે.