IPLIN
 

Movie Review / બૉલીવુડની 'ડૂબતી નૈયા'ને બચાવતી ફિલ્મ 'મોનિકા ઓ માય ડાર્લિંગ', ટ્વીસ્ટ એન્ડ ટર્ન્સવાળી સ્ટોરી સાથે એક્ટિંગ પણ દમદાર

Team VTV 04:59 PM, 15 Nov 22 | Updated: 04:59 PM, 15 Nov 22
Follow us
'Monica O My Darling', the film that saves Bollywood's 'Dubti Naiya', story with twists and turns

બૉલીવુડની ફિલ્મો બોક્સઓફિસ પર પિટાઈ રહી છે એવામાં નેટફ્લીકસ પર રિલીઝ થયેલ રાજકુમાર રાવ, હુમા કુરેશી અને રાધિકા આપ્ટેની 'મોનિકા ઓ માય ડાર્લિંગ' ફિલ્મે દર્શકોનું ધ્યાન ખેંચ્યું.

  • નેટફ્લીકસ પર રિલીઝ થઈ મોનિકા ઓ માય ડાર્લિંગ
  • વાર્તા પર ડિરેક્ટરે પકડ બનાવી રાખી 
  • વાર્તાના પાત્રો અને ફિલ્મના એક્ટર ઓડિયન્સને જકડી રાખશે 

આજકાલ બૉલીવુડમાં અનેક ફિલ્મો આવી રહી છે અને કોઈ ખાસ છાપ છોડ્યા વીના જઈ પણ રહી છે એવામાં ઓટીટી પર હાલ જ રિલીઝ થયેલ મોનિકા ઓ માય ડાર્લિંગ એ લોકોનું ધ્યાન તેના તરફ ખેંચ્યું છે. ફિલ્મની કહાની અને મ્યુજીકએ લોકોને તેના દિવાના બનાવી દીધા એમ કહી તો પણ કઈ ખોટું નથી. મોનિકા ઓ માય ડાર્લિંગ ફિલ્મ શરૂ થતાંના જ થોડીવારે આવતા ટ્વિસ્ટ અને ટર્ન્સ દર્શકને આરામથી બેસવા દેતા નથી. વાર્તાની જેમ ફિલ્મની પટકથા અને એડિટિંગ પણ ચુસ્ત છે આ સાથે જ ફિલ્મનું સંગીતમાં 70-80ના દાયકાના સિનેમાનો ટચ આપે છે, ઘણા સમય પછી આવી ફિલ્મ જોવા મળી છે જેનું બેકગ્રાઉન્ડ મ્યુઝિક અને ગીતો વાર્તા સાથે તાલ મિલાવે છે અને વાર્તાના દરેક એક એક સીનનો અહેસાસ કરાવે છે.

વાર્તા પર ડિરેક્ટરે પકડ બનાવી રાખી 
જણાવી દઈએ કે આ ફિલ્મ છે મર્દ કો દર્દ નહીં હોતા (2018) જેવી ફિલ્મો બનાવનાર દિગ્દર્શક વાસન બાલાએ એ બનાવી છે અને દરેક દ્રશ્યને સુંદર રીતે કેપ્ચર કર્યું છે. આ સાથે જ વાર્તા પરની પોતાની પકડ ક્યાંય પણ ઢીલી પડવા દેતા નથી. ફિલ્મની શરૂઆતની થોડી મિનિટોમાં જ હુમા કુરેશી અને રાજકુમાર રાવની કહાનીના ટ્વીસ્ટ ચાલુ થાય છે જે લોકોને ફિલ્મ જોવા માટે જકડી રાખે છે. જણાવી દઈએ કે મોનિકા ઓ માય ડાર્લિંગ જેવી ફિલ્મો બોક્સ ઓફિસ માટે છે પણ આ ફિલ્મ ડાયરેક્ટ નેટફ્લિક્સ પર રિલીઝ કરી છે એ વાતનો અફસોસ તમને ફિલ્મ જોયા પછી થશે. 

વાર્તાના પાત્રો અને ફિલ્મના એક્ટર ઓડિયન્સને જકડી રાખશે 
આ વાત તો સાફ છે કે થિયેટરોની સાથે, OTT ને પણ આજે સારા કન્ટેન્ટની જરૂર છે અને જો મોનિકા ઓ'ડાર્લિંગ જેવી જ બીજી વાર્તાઓ અને ફિલ્મો પર ગંભીરતાથી કામ કરવામાં આવે તો હિન્દી દર્શકો બૉલીવુડ તરફ પાછા ફરશે તે નિશ્ચિત છે. ફિલ્મ વિશે વાત કરી તો ફિલ્મમાં સંપૂર્ણ ધ્યાન વાર્તા પર છે અને દરેક પાત્ર પર કામ કરવામાં આવ્યું છે. ફિલ્મના બીજા ભાગ એટલે કે અડધી ફિલ્મ પછી એસીપી નાયડુ તરીકે રાધિકા આપ્ટેની એન્ટ્રી જોવા મળે છે અને કહાનીને વધુ હળવી અને રસપ્રદ બનાવે છે.

ફિલ્મની શરૂઆતમાં સિકંદર ખેર થોડો સમય માટે જોવા મળશે પણ  તેનું પ્રદર્શન મજબૂત છે. કોઈપણ અભિનેતાની કારકિર્દીમાં તેની ફિલ્મોની પસંદગીનો મોટો રોલ હોય છે અને સિકંદરે નાનો રોલ પસંદ કરીને મોટી છાપ છોડી જશે. ફિલ્મમાં સિકંદર શાનદાર કામ કરતો જોવા મળ્યો છે.આ સાથે જ રાજકુમાર રાવ ફિલ્મમાં મેઇન લીડમાં જોવા મળશે અને સાથે હુમા કુરેશી તેની સાથે જોવા મળી છે. બંનેની એક્ટિંગ જોઈને દર્શકોનું દીલ ખુશ થઈ જશે. આ સાથે જ દરેક કલાકારોએ ખૂબ સારું કામ કર્યું છે. 

સતત નવા ટ્વિસ્ટ જોવા મળે છે 
રાજકુમાર રાવ આ ફિલ્મમાં લીડ કરે છે પણ તેને હુમા કુરેશી, આકાંક્ષા રંજન અને ઝેન મારી ખાનનો બરાબર સહોયગ મળ્યો છે.  ફિલ્મની શરૂઆતમાં હુંમાં કુરેશીનો એક ડાન્સ શાનદાર છે અને આ ગીત 'યે એક જિંદગી' વારંવાર જોઈ શકો છો. હુમાનું આ પ્રદર્શન ફિલ્મનો મૂડ સેટ કરે છે. ફિલ્મમાં મર્ડર અને સસ્પેન્સની સીરીઝ મોનિકાની વાર્તાને રસપ્રદ રાખે છે. દર્શકો પોતપોતાનું અનુમાન લગાવે છે અને ઘણી વખત એ અનુમાન સાચપણ પડી જશે અને ઘણી વખત વાર્તા ફરી નવો વળાંક લે છે. આ સાપસીડીને ખેલ જેવી આ ફિલ્મ સારું મનોરંજન પૂરું પાડે છે. 

મોનિકા ઓ માય ડાર્લિંગ એ જાપાનીઝ ટીવી સીરિઝ બ્રુતુષ નો શિંજો (2011) નું હિન્દી ફિલ્મ રૂપાંતરણ છે અને આ સીરિઝ આ નામની જ નવલકથા પર આધારિત છે. બૉલીવુડની ફિલ્મ અંધાધૂન ના લેખક યોગેશ ચાંદેકરે આ રૂપાંતરણ કર્યું છે અને ફિલ્મ જોઈને લાગે છે તેઓ તેના કામમાં સફળ રહ્યા છે. 

Monica O My Darling મોનિકા ઓ માય ડાર્લિંગ બૉલીવુડ movie review
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ