ગૂગલ પે હવે 400 બિલીયન ડૉલરનું વાર્ષિક ટ્રાંજેક્શન કરે છે. તેણે હવે એક નવું ફીચર લોન્ચ કર્યું છે. જેના દ્વારા તમારા અવાજથી જ તમે પૈસા બૅંક અકાઉન્ટમાં સીધા ટ્રાંસફર કરી શકશો.
Google eventમાં કરવામાં આવ્યું ખાસ એલાન
તમારા અવાજથી જ બૅંક ખાતામાં ટ્રાંસફર કરી શકશો પૈસા
વોઇસ કમાન્ડ ફીચર 2022ની શરૂઆતમાં આપવામાં આવશે
ગૂગલનું નવું ફીચર
ગૂગલ પેના સપોર્ટમાં હિન્દી ભાષાને પણ ઉમેરવામાં આવી છે. જેનાથી અંગ્રેજી સાથે હિન્દી ભાષા પણ સપોર્ટ કરશે. તમારા વોઇસ કમાન્ડથી પૈસા તમારા બેન્ક અકાઉન્ટમાં ટ્રાંસફર થઇ જશે અને આ ફીચર દરેક યુઝર માટે અવેલેબલ રહેશે.
Googleની વાર્ષિક ઇવેન્ટમાં એલાન
18 નવેમ્બરના રોજ ગૂગલ ફોર ઇન્ડિયાનું આયોજન કરવામાં આવ્યું હતું જેમાં ગૂગલે તેના આવનારા પ્લાન્સ વિશે એલાન કર્યુ હતું. આ વર્ચ્યુઅલ ઇવેન્ટમાં વોઇસ કમાન્ડથી પૈસા ટ્રાંસફરની વાતનું પણ એલાન કરવામાં આવ્યું હતું.
Google for india
ગૂગલે કહ્યું કે ભારતીય બજારમાં 6,000 થી 8,000 રૂપિયામાં ઘણા Google સર્ટીફાઇડ કોર્સ ઉપલબ્ધ છે. આ સાથે ગૂગલે NASSCOM ફાઉન્ડેશન અને ટેક મહિન્દ્રા સાથે સ્કોલરશિપની પાર્ટનરશીપ વિશે પણ માહિતી આપી છે. ગૂગલ પેમાં ટૂંક સમયમાં માય શોપ ફીચર આવશે, જેની મદદથી એક નાનો દુકાનદાર તેની દુકાનની દરેક વસ્તુ ગૂગલ પે પર સેલ કરી શકશે.
અન્ય ફીચર્સનું એલાન
તમને Google Pay પર એક ખૂબ જ આકર્ષક સુવિધા મળવા જઈ રહી છે, જેની મદદથી તમારે બેંક એકાઉન્ટ ટાઈપ કરવાની જરૂર નહીં પડે. Google Pay પર બેંક એકાઉન્ટ નંબર માટે સ્પીક ફીચર ઉમેરવામાં આવશે, જેની મદદથી તમે બોલીને બેંક એકાઉન્ટ નંબર એન્ટર કરી શકશો.
ટૂંક સમયમાં તમને Google Pay પર Hinglish નો વિકલ્પ મળશે. ઈવેન્ટમાં કંપનીએ કહ્યું કે આ ફીચર આવતા વર્ષની શરૂઆતમાં એપમાં આવશે. તે સિવાય ગૂગલ ક્લાસરૂમ પર ટૂંક સમયમાં એક નવું ફીચર પણ આવી રહ્યું છે, જેની મદદથી યુઝર્સ ક્લાસવર્ક ડાઉનલોડ કરી શકશે.
તમે Google ની Read Aloud સુવિધા વિશે તો જાણતા જ હશો. આ ફીચર હાલમાં હિન્દી અને અંગ્રેજીમાં કામ કરે છે. કંપનીનું કહેવું છે કે આ ફીચર ટૂંક સમયમાં અન્ય ભારતીય ભાષાઓને પણ સપોર્ટ કરશે.
આ ઇવેન્ટમાં ગૂગલ કેરિયર સર્ટિફિકેટની પણ ચર્ચા કરવામાં આવી છે. જેના માટે, Google Coursera સાથે કામ કરી રહ્યું છે, જેની મદદથી વિદ્યાર્થીઓ IT મેનેજમેન્ટ, UX ડિઝાઇન અને ડિજિટલ કરિયર વગેરે ક્ષેત્રે સ્કિલ વધારી શકશે.