IPLની સિઝન 12 માટે હરાજીમાં કેટલાક ખેલાડી કરોડોમાં વેચાયા હતા. જેમાં વરૂણ ચક્રવર્તી સહિત શીવમ દુબે જેવા યુવા ખેલાડીઓના નામ ટોપ પર છે. જોકે રાતો-રાત કરોડપતિ બનનારા આ ખેલાડીઓના હાથમાંથી એક ઝાટકામાં આ મોટી રકમ જઇ શકે છે.
તમને IPLની હરાજી બાદ ન્ચાઇઝી અને ખેલાડીઓ વચ્ચે એક કોન્ટ્રાક્ટ સાઇન થાય છે જેમાં સ્પષ્ટ લખેલુ હોય છે કે સબંધિત ખેલાડીઓને આખી ટૂર્નામેન્ટમાં ઉપલબ્ધ રહેવુ પડશે. આ શરત પર ફ્રેન્ચાઇઝી ખેલાડીઓને પુરા પૈસા આપે છે.
જો કોઇ કારણસર કોઇ ખેલાડી 80% મેચમાં હાજર નથી રહેતો ત્યારે કોન્ટ્રાક્ટ લિસ્ટમાં દર્જ રકમમાંથી કાપ મુકવામાં આવે છે. આવુ કેટલીક વખત જોવામાં આવ્યું છે કે ખેલાડી IPLની અધવચ્ચે જ ઇજાને કારણે બહાર થઇ જાય છે એવામાં તેમને પુરા પૈસા નથી મળતા.
હવે મોંઘી કિંમતમાં વેચાયેલા ખેલાડીઓ સામે ખુદને પુરી રીતે ફિટ રાખવાનો પડકાર હશે. સાથે જ પ્રત્યેક ખેલાડી IPL મેચમાં અન્ય વસ્તુને વધુ પ્રાથમિકતા નહી આપી શકે. ફ્રેન્ચાઇઝી જ્યારે ઇચ્છશે ત્યારે તેને પ્લેઇંગ ઇલેવનમાં સામેલ કરી મેદાન પર ઉતરવુ પડશે.
મહત્વપૂર્ણ છે કે IPLમાં રમનારા ખેલાડીઓને ફ્રેન્ચાઇઝી તરફથી આશરે 100 ડૉલર પ્રત્યેક દિવસના હિસાબથી મળે છે. આ સિવાય ખેલાડીઓને હોટલ ભોજન અને ટ્રાવેલિંગ મફતમાં મળે છે. આ સિવાય પ્રાઇઝ મની પર પણ ખેલાડીઓનો અધિકાર હોય છે. ફ્રેન્ચાઇઝી ચેમ્પિયન બનવા પર અડધી રકમ ખેલાડીઓ વચ્ચે વેચે છે.