VIDEO / મમ્મી, મને બીક લાગે છે...: મોત પહેલા રશિયન સૈનિકનો અંતિમ સંદેશ UNમાં ગૂંજ્યો

• રશિયા-યુક્રેન વૉર વચ્ચે યુક્રેનના રાજદૂતનો ચોંકાવનારો દાવો
• VIDEOમાં રશિયન સૈનિકનાં મેસેજ અંગે આપ્યું મોટું નિવેદન
• તમામ શહેરો પર કરાઇ રહ્યો છે બોમ્બમારો : રશિયન સૈનિકનો મેસેજમાં દાવો

સંયુક્ત રાષ્ટ્રમાં યુક્રેનના રાજદૂત સર્ગેઈ કિસ્લિટ્સ્યાએ સોમવારે આ દાવો કર્યો હતો. રશિયન સેનાનો આ જવાન પોતાની માતા સાથે વાત કર્યાના થોડાં જ સમય બાદ યુક્રેનના ગોળીબારમાં માર્યો ગયો હતો. યુનાઈટેડ નેશન્સ જનરલ એસેમ્બલીમાં યુક્રેનના રાજદૂત સેરગેઈ કિસ્લિટ્સ્યાએ રશિયન સૈનિકના કથિત મેસેજ વાંચ્યા હતાં. જેમાં સૈનિક કહે છે કે, 'તમામ શહેરો પર બોમ્બમારો કરાઇ રહ્યો છે અને નાગરિકોને પણ નિશાન બનાવી રહ્યાં છે.'

Ukrainian Ambassador to the @UN @SergiyKyslytsya reads text messages between a Russian soldier and his mother moments before he was killed.⁰

"Mama, I'm in Ukraine. There is a real war raging here. I'm afraid. We are bombing all of the cities...even targeting civilians." pic.twitter.com/kbWYZfbSpE

— CSPAN (@cspan) February 28, 2022

તે મેસેજને વાંચતા કિસ્લિટ્સ્યાનો વીડિયો અમેરિકન કેબલ અને સેટેલાઇટ ટેલિવિઝન નેટવર્ક C-SPAN દ્વારા ટ્વીટ પણ કરવામાં આવ્યો છે. જેમાં કિસલિત્સ્યા સૈનિકોના મેસેજના સ્ક્રીનશોટ ધરાવે છે. આ મેસેજ આપતા તેઓ સંયુક્ત રાષ્ટ્રના સભ્ય દેશોને આ યુદ્ધની ભયાનકતાની કલ્પના કરવા વિનંતી કરે છે.

જુઓ UN માં યુક્રેનના રાજદૂત શું દાવો કરી રહ્યાં છે?

રશિયા-યુક્રેન વચ્ચે છેલ્લાં 6 દિવસથી સતત જંગ શરૂ છે. રશિયાએ કીવ પર એટેક કરવા માટે પોતાની સેનાનો વિશાળ કાફલો પણ રવાના કરી દીધો છે. જે યુક્રેનની રાજધાની કીવ સુધી પહોંચી ચૂક્યો છે. બીજી બાજુ બંને દેશો વચ્ચે સમાધાન માટેની પણ અગાઉ ચર્ચા કરવામાં આવી છે પરંતુ તે ચર્ચા નિષ્ફળ નીવડી છે. પરંતુ આ જંગમાં હવે ન તો રશિયા પીછેહઠ કરી રહ્યું અને ના તો યુક્રેન. બીજી બાજુ યુક્રેનમાં ફસાયેલા ભારતીયોને બહાર નીકાળવાનું ઓપરેશન પણ પૂરજોશમાં ચાલી રહ્યું છે.