અમદાવાદ / 'તમે ટિક્ટોક બનાવો છો, તમે કેટલાં સરસ રૂપાળાં દેખાવ છો' કહીને યુવકે કિશોરીનો હાથ પકડી છેડતી કરી

• નિકોલમાં રહેતી 16 વર્ષિય કિશોરી 11મા ધોરણમાં અભ્યાસ કરે છે
• કિશોરીના પિતા જમીને દુકાનમાં આરામ  કરતા અને કિશોરી કાઉન્ટર પર બેઠી હતી

નિકોલમાં રહેતી 16 વર્ષિય કિશોરી 11મા ધોરણમાં અભ્યાસ કરે છે અને ગઈ કાલે ઉત્તરાયણના તહેવારમાં સ્કૂલમાં રજા હોવાથી કિશોરી તેના પિતા માટે બપોરના સમયે દુકાને પિતાને ટિફિન આપવા ગઈ હતી. કિશોરીના પિતા જમીને દુકાનમાં આરામ  કરતા અને કિશોરી કાઉન્ટર પર બેઠી હતી.

તે વખતે કિશોરીના પિતાની દુકાન સામે આવેલ કે. એન્ડ કે. પાન પાર્લર ધરાવતાે કિશન પટેલ કિશોરી પાસે આવ્યો હતો અને કિશોરી પાસે છૂટા પૈસા માગતાં તેણે આપ્યા હતા. ત્યારબાદ કિશને કિશોરીને કહ્યું કે તમે કઈ સ્કૂલમાં અભ્યાસ કરો છો? તમારું નામ? તમે ટિકટોક બનાવો છો કે નહીં, તમે મોબાઈલ રાખો છો કે નહીં અને રાખતાં હો તો તમારો મોબાઈલ નંબર મને આપો. આમ કહેતાં કિશોરી કહ્યું કે મોબાઈલ ફોન હતી. તેમ કહેતાં કિશન કિશોરીનો હાથ પકડીને કહેવા લાગ્યો કે તમે આટલાં બધાં સરસ રૂપાળાં દેખાવવાળાં છો તો પણ કેમ મોબાઈલ ફોન નથી રાખતાં. તેણે આમ કહીને છેડતી કરતી હતી.  

 તે દરમિયાન કિશોરીના પિતા આવી જતાં કિશન ભાગી ગયો હતો. કિશોરી ગભરાઈને રડતી હતી, જેથી પિતાએ તેના રડવાનું કારણ પૂછ્યું હતું. કિશોરીએ કિશને છેડતી કરી હોવાની સમગ્ર ઘટના કહી હતી. કિશોરીના પિતાએ ગઇ કાલે કિશન પટેલ વિરુદ્ધમાં નિકોલ પોલીસ સ્ટેશનમાં છેડતીની ફરિયાદ કરી છે, જેમાં પોલીસે ગુનો દાખલ કરીને તપાસ શરૂ કરી છે.