ક્રિકેટ જગતમાં પહેલાં જે શબ્દની સૌથી વધુ ચર્ચા થતી હતી તે માનસિક સ્વાસ્થ્ય છે. તાજેતરમાં જ ઓસ્ટ્રેલિયાના બેટ્સમેન ગ્લેન મેક્સવેલે આંતરરાષ્ટ્રીય ક્રિકેટથી પોતાને દૂર કરી દીધો હતો. જેની પાછળનું કારણ માનસિક અસ્વસ્થતા હતું. માત્ર મેક્સવેલ જ નહીં, સારા ટેલર, જોનાથન ટ્રોટ, વિલ પુકોવસ્કી પણ માનસિક સ્વાસ્થ્યને કારણે કેટલાક સમય માટે ક્રિકેટથી દૂર છે. હવે વધુ એક ઓલરાઉન્ડરે ખુલાસો કર્યો છે કે વર્ષ 2017માં તે પણ ડિપ્રેશનથી ઝઝૂમી રહ્યો હતો અને તેણે આત્મહત્યા પણ કરવાની કોશિશ કરી હતી.
થોડાં સમય પહેલાં સુધી ક્રિકેટ જગતમાં ડિપ્રેશનની ઘણી ચર્ચા થતી હતી
માનસિક અસ્વસ્થતાને કારણે ઘણાં ક્રિકેટર્સે ક્રિકેટમાંથી બ્રેક લઈ લીધો છે
હવે વધુ એક ઓલરાઉન્ડર ક્રિકેટરે ચોંકાવનારા ખુલાસા કર્યા છે
એક રિપોર્ટ અનુસાર, આત્મહત્યા કરવાની કોશિશ કરનાર ક્રિકેટર ઓસ્ટ્રેલિયન ક્રિકેટ ટીમના સર્વશ્રેષ્ઠ ઓલરાઉન્ડર મોઇઝેઝ હેનરિક્સ છે. હેનરીક્સે કહ્યું, ગૂગલ પર ડિપ્રેશનનાં જે લક્ષણો જણાવ્યા હતા, તે બધાં જ મારામાં હતા. ચાર જ અઠવાડિયામાં મારું 10 કિલો વજન ઘટી ગયું હતું અને હું 98માંથી 88 કિલોનો થઈ ગયો હતો.
પૂરઝડપે કાર ચલાવી રહ્યો હતો, લાગ્યું કે કોઈ લેમ્પ સાથે અથડાઈ જઉં
33 વર્ષીય ઓસ્ટ્રેલિયન ઓલરાઉન્ડર હેનરિક્સ એ આગળ કહ્યું કે, મેં શેફિલ્ડ શીલ્ડ ખાતેની એક મેચમાં ટોસ જીતીને પ્રથમ બોલિંગ કરી. એવી આશા હતી કે, પિચથી બોલરોને મદદ મળશે, પરંતુ તે એવું થયું નહીં. ત્યારબાદ 450 રન બનાવ્યા બાદ તસ્માનિયાએ ત્યારે તેની ઇનિંગની ઘોષણા કરી હતી. પ્રથમ ઇનિંગ્સમાં અમારી ટીમની પાંચ વિકેટ 90 રન પર પડી ગઈ હતી. આ ઇનિંગ્સમાં હું ફક્ત 20 રન બનાવી શક્યો હતો. બીજા દિવસની રમત બાદ હું ઘરે પરત ફરી રહ્યો હતો. હું ખૂબ જ ઝડપે કાર ચલાવી રહ્યો હતો અને વિચારતો હતો કે મારું એક્સીડેન્ટ થઈ જાય.
હું રડી રહ્યો હતો અને મારું શરીર ધ્રૂજી રહ્યું હતું
હેનરિક્સે કહ્યું, હું બહુ જ પરેશાન હતો અને મને આત્મહત્યાનો વિચાર આવવા લાગ્યો, પછી મને મારી નજીકના લોકો યાદ આવવા લાગ્યા. પછી મેં મારી જાતને કહ્યું, જો હું લેમ્પ સાથે કારનું એક્સીડેન્ટ કરી દઉં તો શું થશે. હું આવું નહીં કરું. આવું કરવાથી મારા ભાઈઓનું શું થશે. એ લોકો શું કરશે. મારી પત્નીનું શું થશે. મારો આ નિર્ણય એવા લોકો માટે આઘાતજનક રહેશે જેઓ હમેાં મારી સાથે રહે છે. હું મારી ટીમને આગામી બે દિવસ માટે દસ ખેલાડીઓ સાથે રમવા માટે છોડી શકતો નથી. મેં મારો વિચાર બદલી નાખ્યો. હું સતત રડી રહ્યો હતો અને મારું શરીર ખરાબ રીતે ધ્રૂજી રહ્યું હતું.