IPLIN
 
  • Home
  • Sports
  • Cricket
  • mohammed siraj direct hit run out chamika karunaratne during india vs sri lanka 3rd odi match siraj

ક્રિકેટ જગત / IND vs SL: મોહમ્મદ સિરાજ સામે ટક્કર લેવી શ્રીલંકાના ખેલાડીને પડી ભારે! ચૂકવવી પડી મસમોટી કિંમત

Team VTV 11:51 AM, 16 Jan 23
Follow us
mohammed siraj direct hit run out chamika karunaratne during india vs sri lanka 3rd odi match siraj

શ્રીલંકા સામે શ્રેણીની ત્રીજી વન-ડે મેચ તિરૂવનંતપુરમમાં રમાઈ, જેમાં મોહમ્મદ સિરાજે 4 વિકેટ લઇને ભારતીય ટીમને 317 રનથી શાનદાર જીત અપાવી. આ મેચમાં શ્રીલંકન બેટર ચમિકા કરૂણારત્ને અને સિરાજની વચ્ચે ટકરાવ જોવા મળ્યો. જેનુ પરિણામ કરૂણારત્નેએ ભોગવવુ પડ્યુ.

  • શ્રીલંકા સામે શ્રેણીની ત્રીજી વન-ડે મેચ તિરૂવનંતપુરમમાં રમાઈ
  • શ્રીલંકન બેટર ચમિકા કરૂણારત્ને અને સિરાજની વચ્ચે ટકરાવ દેખાયો
  • આ વિખવાદનુ નુકસાન ખુદ શ્રીલંકાના ખેલાડીઓએ ઉઠાવવુ પડ્યુ

ભારતીય ટીમે શ્રીલંકાની ટીમને વન-ડે સીરીઝમાં કારમી હાર આપી

ભારતીય ટીમે પોતાની ધરતી પર શ્રીલંકાની ટીમને વન-ડે સીરીઝમાં કારમી હાર આપી. વન-ડે સીરીઝની ત્રણેય મેચમાં ભારતીય ટીમે 3-0થી શ્રીલંકન ટીમના સુપડા સાફ કરી નાખ્યાં. આ  સીરીઝના હીરો સ્ટાર બેટર વિરાટ કોહલી અને ફાસ્ટ બોલર મોહમ્મદ સિરાજ રહ્યાં છે, જેણે ધમાકેદાર પ્રદર્શન કર્યુ છે. 

શ્રીલંકન બેટર ચમિકા કરૂણારત્ને અને સિરાજની વચ્ચે ટકરાવ દેખાયો 

આ મેચમાં એક દ્રશ્ય એવુ પણ સામે આવ્યું, જ્યારે શ્રીલંકન બેટર ચમિકા કરૂણારત્ને અને સિરાજની વચ્ચે ટકરાવ જોવા મળ્યો. આ વિખવાદનુ નુકસાન ખુદ શ્રીલંકાના ખેલાડીઓએ ઉઠાવવુ પડ્યુ. સિરાજે આક્રમક અંદાજમાં કરૂણારત્નેને શિકાર બનાવ્યો અને પેવેલિયનનો રસ્તો બતાવ્યો. આ આખો ઘટનાક્રમ શ્રીલંકાની ઈનિંગ દરમ્યાન 12મી ઓવરમાં થયો. આ ઓવર સિરાજે નાખી. 

સ્ટાઈલ બતાવવાના ચક્કરમાં ગુમાવી વિકેટ 

આ ઓવરના ત્રીજા બોલમાં કરૂણારત્નેએ ઑફ સાઈડ કવર તરફ ડિફેન્સિવ શૉટ રમ્યો અને એક રન માટે દોડી પડ્યો હતો. પરંતુ નૉન સ્ટ્રાઈકર બેટરે રન લેવાની ના પાડી દીધી અને પાછો ફર્યો ત્યારે કરૂણારત્ને રનઆઉટ થતા માંડ-માંડ બચ્યો. પરંતુ આ દરમ્યાન તેમની સિરાજ સાથે ચર્ચા થઇ. ત્યારબાદ બીજો બોલ સિરાજે ફરીથી સ્ટમ્પ લાઈનમાં નાખ્યો. જેના પર કરૂણારત્નેએ ડિફેન્સ કર્યો અને સિરાજને બતાવવા માટે આ પોઝમાં ક્રીઝની બહાર ઉભા રહ્યાં. એવુ લાગી રહ્યું હતુ, જેમકે કરૂણારત્ને સિરાજને સ્ટાઈલ મારીને બતાવી રહ્યાં હોય. આ શૉટ રમ્યા બાદ બોલ સીધો સિરાજના હાથમાં આવ્યો તો સિરાજે તક ના ગુમાવી અને ડાયરેક્ટ થ્રો મારીને સ્ટમ્પ ઉડાડી નાખ્યાં.

 

IND vs SL Mohammed Siraj Chamika Karunaratne Virat Kohli
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ