ક્રિકેટર મહોમ્મદ શમીની મુશ્કેલીઓ વધી BCCI કરશે મેચ ફિક્સિંગના આરોપોની તપાસ

ક્રિકેટર મહોમ્મદ શમી અને તેમની પત્ની હસીન જહાંનું લગ્નજીવન ભંગાણને આરે છે. એવામાં શમીની મુશ્કેલીઓ વધી શકે છે. એક તરફ BCCIએ તેમના વાર્ષિક કોન્ટ્રાક્ટને હાલ પૂરતો સ્થતિગત કરી દીધો છે. તો બીજી તરફ IPLમાં દિલ્લી ડેર ડેવિલ્સ માટે પણ તેઓ રમી શકશે કે કેમ તે વાત પર સસ્પેન્સ કાયમ છે. 

વધુમાં BCCIએ પણ શમી સામેના મેચ ફિક્સિગ આરોપોની તપાસના આદેશ આપી દીધા છે. BCCI પ્રમુખ વિનોદ રાયે એન્ટી કરપ્શન યુનિટને એક ઇમેલ લખ્યો છે. જેમાં તેમણે આ મુદ્દે એક અઠવાડિયામાં તપાસ કરીને પોતાની રિપોર્ટ રજૂ કરવા કહ્યું છે. શમીના પત્ની હસીન જહાંએ શમી સામે મેચ ફિક્સિસંગના આરોપો મૂક્યા છે.

શમી દિલ્હી ડેરડેવિલ્સ તરફથી રમશે કે કેમ તે અંગેનો નિર્ણય 16 માર્ચના થનાર છે. આ દિવસે IPL ગવર્નિંગ કાઉન્સિલની બેઠક પણ મળી રહી છે. જોકે હવે BCCIએ મેચ ફિક્સિગના આરોપોની તપાસનો આદેશ આપતા શમી દિલ્હી ડેર ડેવિલ્સ માટે રમી શકશે કે કેમ તેની સામે સવાલો ઉભા થયા છે.