ન્યૂઝીલેન્ડની સાથે 5 મેચમાં ટી-20 ઈન્ટરનેશનલ સીરિઝમાં ભારતીય ટીમ 3-0થી જીતી ચૂકી છે. ત્રીજી મેચમાં જીત્યા બાદ મોહમ્મદ શમી દીકરીને મિસ કરી રહ્યા છે. તેઓએ મેચ પહેલાં જ દીકરીનો એક ફોટો ઈન્સ્ટાગ્રામ પર શેર કર્યો અને સાથે જ આ ખાસ મેસેજ પણ લખ્યો છે.
શમીએ ઈન્સ્ટાગ્રામ પર દીકરીનો ફોટો મૂક્યો છે અને તેને મિસ કરતાં લખ્યું છે કે ખૂબ જ સુંદર લાગી રહી છો, હું તને ખૂબ પ્રેમ કરું છું, ભગવાન તારું ભલું કરે. પ્યારી દીકરી જલ્દી જ મળીશું. શમીએ આ પોસ્ટમાં દીકરી આયરાનો સાડી પહેરેલો ફોટો પણ મૂક્યો છે. લાગી રહ્યું છે કે તે ફોટો વસંત પંચમીના અવસરે સ્કૂલ ઈવેન્ટનો હોય. શમી જ્યારે પણ વિદેશ પ્રવાસે હોય છે ત્યારે દીકરીનો ફોટ સોશ્યિલ મીડિયા પર શેર કરતા રહે છે.
રોમાંચક મેચમાં આમ જીત્યું હતું ભારત
ઉલ્લેખનીય છે કે ભારતે હેમિલ્ટનમાં રમાયેલી સીરિઝના ત્રીજા ટી-20 ઈન્ટરનેશનલ મેચ ન્યૂઝીલેન્ડમાં સુપર ઓવરમાં જીત મેળવી હતી. પહેલાં બેટિંગ મળતાં ભારતને રોહિત શર્માના 65 રનની મદદથી 5 વિકેટ પર 179 રનનો સ્કોર બનાવ્યો. કીવી ટીમ છેલ્લી ઓવર સુધી મજબૂત જોવા મળી. પણ શમીની એક ઓવરની મેચે તેમાં ભંગ પાડ્યો. ભારતીય ટીમે તેની સાથે 5 મેચમાં 3-0નો વિજય મેળવ્યો.
રોહિતે આપ્યો જીતનો શ્રેય
છેલ્લી ઓવરમાં ન્યૂઝીલેન્ડને 9 રનની જરૂર હતી. વિકેટ પર રોસ ટેલર અને કેપ્ટન કેન વિલિયમસન હતા. ન્યૂઝીલેન્ડને મેચમાં ફેવરિટ માનવામાં આવી રહ્યું હતું. કીવી ટીમ આ મેચ જીતીને સીરિઝમાં પાછા આવવાની તૈયારીમાં હતું ત્યારે શમીએ દેખાડ્યું કે આખરે શા માટે ડેથ ઓવર્સના સૌથી સારા બોલર્સમાં સામેલ કરાયા છે. શમીએ આ ઓવરમાં 8 રન જ આપ્યા અને મેચ સુપર ઓવરમાં ગઈ. રોહિત શર્માએ આખરે 2 બોલ પર સિક્સ લગાવીઅને સાથે ટીમને જીત અપાવી. મેન ઓફ ધ મેચ રોહિત શર્માએ જીતનું શ્રેય શમીના 20મા ઓવરને આપ્યો.