શમીએ દિલ્હી ટેસ્ટની પહેલી ઈનિંગમાં સૌથી વધુ ચાર વિકેટ લીધી
દિલ્હી ટેસ્ટમાં જે વિકેટ પર સ્પિનરોને મદદ મળતી હતી ત્યાં ભારતીય ફાસ્ટ બોલર મોહમ્મદ શમીએ તિવ્ર ઝડપથી કાંગારૂઓની ખબર લાઈ નાખી. શમીએ દિલ્હી ટેસ્ટની પહેલી ઈનિંગમાં સૌથી વધુ ચાર વિકેટ લીધી. આર અશ્વિને પોતાની આક્રમક સ્વિંગથી ઓસ્ટ્રેલિયન બેટરોને ખૂબ પરેશાન કર્યા. શમીએ ડેવિડ વોર્નર, ટ્રેવિસ હેડને આઉટ કર્યા બાદ નાથન લાયન અને કુહનેમનને આઉટ કર્યો. શમીની ધારદાર બોલિંગના કારણે ઓસ્ટ્રેલિયન ટીમ પહેલી ઈનિંગમાં 263 રન બનાવી શકી હતી. જો કે, આ ઈનિંગ દરમ્યાન શમીની સાથે કઈક એવુ થયુ જેની કોઈને આશા પણ નહીં હોય.
અશ્વિને મોહમ્મદ શમીના કાન વાળ્યાં
મોહમ્મદ શમી જ્યારે વિકેટ લેતા હતા તે વખતે અશ્વિને તેના કાન વાળી નાખ્યાં. ઉલ્લેખનીય છે કે શમીએ જ્યારે નાથન લાયનને આઉટ કર્યો તો અશ્વિન પાછળથી આવ્યાં અને તેના બંને કાન વાળી નાખ્યાં. શમીના અચાનક આ પ્રકારના કાન વાળવાથી ચોંકી ગયા. જ્યારે તેમણે પાછળ જોયુ તો ત્યાં અશ્વિન ઉભા હતા. અશ્વિનની આ હરકતનો વીડિયો સોશિયલ મીડિયામાં વાયરલ થઇ રહ્યો છે.
ઉલ્લેખનીય છે કે ઓસ્ટ્રેલિયા ક્રિકેટ ટીમ એક વખત ફરીથી 300 રન બનાવવામાં નિષ્ફળ રહી. જો કે, નાગપુર કરતા ટીમનુ પ્રદર્શન સારું રહ્યું. ઓસ્ટ્રેલિયાની ઓપનિંગ જોડીએ અર્ધસદીની ભાગીદારી કરી, પરંતુ ડેવિડ વોર્નરે 15 રને આઉટ થયા બાદ કાંગારૂ ટીમ હતપ્રભ થઇ. દુનિયાના નંબર 1 ટેસ્ટ બેટર માર્નસ લાબુશેન અને નંબર 2 ટેસ્ટ બેટર સ્ટીવ સ્મિથનુ બેટ ફર્યુ નહીં. લાબુશેન 18 રન બનાવી શક્યા અને સ્મિથ બે બોલમાં જ જતા રહ્યાં. તેઓ ખાતુ પણ ખોલાવી ના શક્યા. અશ્વિને ત્રણ બોલમાં જ બંનેને પતાવી દીધા.