Video / મોહમ્મદ સિરાજનો આ વીડિયો જોઈ સૌ કોઈ ભાવુક, પ્રથમ મેચમાં રાષ્ટ્રગાન વખતે રડી પડ્યો

• મોહમ્મદ સિરાઝ થઇ ગયો ઇમોશનલ 
• રાષ્ટ્રગાન દરમિયાન છલકાયા આંસુ 
• ઓસ્ટ્રેલિયાની વૅબસાઇટે મુક્યો વીડિયો 

મોહમ્મદ સિરાઝ પોતાની ભાવનાઓ પર કાબૂ ન રાખી શક્યા અને તેમના આંસુ નીકળી ગયા. ક્રિકેટ ઓસ્ટ્રેલિયાની વૅબસાઇટ Cricket.com.auએ મોહમ્મદ સિરાઝનો આ વીડિયો પોતાના ટ્વિટર હેન્ડલ પર શૅર કર્યો હતો. 

મહત્વનું છે કે મોહમ્મદ સિરાઝ પોતાની બીજી ટેસ્ટ મૅચ રમી રહ્યો છે. સિરાઝે મેલબર્નમાં પોતાના ટેસ્ટ ક્રિકેટનું ડેબ્યુ કર્યુ હતુ. ઓસ્ટ્રેલિયા પ્રવાસ દરમિયાન તેમના પિતાનું નિધન થઇ ગયુ હતુ પરંતુ તે ભારત પરત નહોતા ફર્યા. 

✊ #AUSvIND pic.twitter.com/4NK95mVYLN

— cricket.com.au (@cricketcomau) January 6, 2021

કાંડામાં ઇજા થવાને કારણે ટીમ ઇન્ડિયાથી બહાર થયેલા મોહમ્મદ શમીની જગ્યાએ ફાસ્ટ બૉલર મોહમ્મદ સિરાઝને ડેબ્યુની તક મળી હતી. સિરાઝે મેલબર્નમાં કુલ પાંચ વિકેટ લીધી હતી. 2013માં મોહમ્મદ શમી પહેલા એવા ક્રિકેટર હતા જેમણે પોતાના ડેબ્યુમાં જ પાંચ વિકેટ લીધી હતી. 

મોહમ્મદ સિરાઝ ઓસ્ટ્રેલિયામાં કોરોના પ્રોટોકોલના કારણે અંતિમ સમયમાં પણ પિતાને જોવા માટે ભારત ન આવી શક્યા. પોતાના પિતાના નિધન બાદ પણ ભારતીય ફાસ્ટ બૉલર સિરાઝે કહ્યું હતું કે, ઓસ્ટ્રેલિયા વિરુદ્ધ તૈયારીમાં વિરાટ કોહલીની મજબૂત બનવાની સલાહે તેની ઘણી મદદ કરી હતી. 

સિરાઝના પિતા મોહમ્મદ ગૌસનું ગયા અઠવાડિયે ફેફસા સંબંધિત બિમારીના કારણે હૈદરાબાદમાં નિધન થયુ છે. તે 53 વર્ષના હતા. સિરાઝ ભારત પરત ન ફર્યો અને તેણે ટીમ માટે રમવાનો નિર્ણય કર્યો. 

26 વર્ષના સિરાઝે કહ્યું કે વિરાટ ભાઇએ કહ્યું કે મિયાં તણાવ ન લો, મજબૂત બનો. તારા પિતા ઇચ્છતા હતા કે તું ભારત તરફથી રમે. માટે તેવું કર અને સ્ટ્રેસ ન લે.