કોઈપણ દેશનો ઝંડો, તે દેશના નાગરીકોની શાન હોય છે જેને કોઈપણ પરિસ્થિતિમાં સમ્માન આપવું જોઈએ. આ વાત કદાચ પાકિસ્તાનનાં ક્રિકેટર ભૂલી ગયા છે અને એક મોટી ભૂલ કરી બેસ્યા છે. પાકિસ્તાનના વિકેટકીપર બેટ્સમેન મોહમ્મદ રીઝવાને પોતાના પગથી પોતાના દેશના ઝંડાને ઉઠાવવાની કોશિશ કરી. આ ઘટનાનો વિડીયો સોશિયલ મીડિયા પર વાયરલ થઇ રહ્યો છે.
પગથી ઉઠાવ્યો રાષ્ટ્ર ધ્વજ
૩૦ વર્ષના રીઝવાનનો એક વિડીયો સોશિયલ મીડિયા પર ખૂબ જ વાયરલ થઇ રહ્યો છે. આ વિડીયો ક્લિપમાં રીઝવાન ફેન્સને ઓટોગ્રાફ આપી રહ્યા છે. લાગી રહ્યું છે કે વિડીયો ઇંગ્લેન્ડ સામે ચાલી રહેલ ટી20 સીરીઝ દરમિયાનનો જ છે. એક ફેને આ દરમિયાન ઓટોગ્રાફ માટે રીઝવાનને પાકીત્સાનનો રાષ્ટ્ર ધ્વજ આપ્યો. વિડીયોનાં અંતમાં જોઈ શકાય છે કે રીઝવાન પોતાના પગથી પાકિસ્તાનનો ઝંડો ઉઠાવી રહ્યા છે.
સોશિયલ મીડિયા પર વાયરલ થયો વિડીયો
દુનિયાના ટોપ 20 બેટ્સમેનમાં સામેલ રીઝવાન મેચ બાદ ઓટોગ્રાફ આપી રહ્યા હતા. તેઓ ફેન્સ પાસે ઓટોગ્રાફ માટે વસ્તુઓ માંગે છે તો અમૂક ફેન્સ કેપ આપે છે, અમૂક જર્સી અને એકે તો રાષ્ટ્ર ધ્વજ પણ આપ્યો હતો. તેઓ આ બધી વસ્તુઓ પર સાઈન કરે છે અને છેલ્લે પોતાના પગથી રાષ્ટ્ર ધ્વજ ઉઠાવે છે. વિડીયો વાયરલ થયા બાદ ઘણા યૂઝર્સ તેમને બીજા દેશો પાસેથી શીખવાની માંગ કરે છે.
યૂઝર્સનાં રીએક્શન
મોહમ્મદ રીઝવાનનો પગથી રાષ્ટ્ર ધ્વજ ઉઠાવતો વિડીયો વાયરલ થયા બાદ સોશિયલ મીડિયા પર યૂઝર્સ તેમને પોતાના દેશના ઝંડાનું અપમાન કરવાને કારણે ટ્રોલ કરી રહ્યા છે.