નિવેદન / 7 ફૂટ લાંબા પાકિસ્તાનના બૉલરનો દાવો, મેં ખત્મ કર્યુ ગંભીરનું વનડે T-20 કરિયર

• પાકિસ્તાનના ફાસ્ટ બૉલરનું ગૌતમ ગંભીરને લઇને નિવેદન
• તેઓ મને જોઇને અસહજતા અનુભવતા હતા: મોહમ્મદ ઇરફાન

ઇરાફાને એક પાકિસ્તાની ચેનલની સાથે વાત કરતા જણાવ્યુ કે, ''જ્યારે મેં ભારત વિરુદ્ઘ મેચ રમી ત્યારે તેઓ મારા વિરુદ્ઘ બેટિંગ કરવાનું સહજ સમજતા ન હતા. મને ખેલાડીઓને વર્ષ 2012 સીરિઝ દરમિયાન જણાવ્યુ હતુ કે, તેઓ મારી લંબાઇને કારણે બૉલ સારી રીતે જોઇ ન હતો શક્યો. મારી ઝડપને ઓળખવામાં તેમણે મુશ્કેલી પડતી હતી.''

ઇરફાને ગંભીર વિશે ખાસ રીતે વાત કરતા જણાવ્યુ કે, ''ગૌતમ ગંભીરને મારી સામે રમવુ જરાય પસંદ ન હતુ. પછી તે મેચ હોય કે પછી નેટ પ્રેક્ટિસ, મને હંમેશા એવું લાગ્યુ છે કે, તેઓ મારી સાથે નજર મેળવવામાં ચૂકતા હતા. મને સારી રીતે યાદ છે કે, વર્ષ 2012માં લિમિટડ ઑવર્સ સીરિઝમાં મેં તેમણે 4 વખત આઉટ કર્યો હતો, તેઓ મારી સામે ઘણા અસહજ હતા.''

ગૌતમ ગંભીરે 2012માં પોતાની છેલ્લી T-20 મેચ પાાકિસ્તાન વિરુદ્ઘ અમદાવાદમાં રમી હતી. ઇરફાનનું કહેવુ છે કે, ''હું એવું નથી ઇચ્છતો કે કોઇ મારી બૉલિંગથી ડરે પરંતુ ગંભીર જ્યારે આઉટ થયો ત્યારે લોકો મને લિમિટેડ ફોર્મેટ ક્રિકેટમાં તેની કરિયર ખત્મ કરવા માટે શુભકામનાઓ આપી રહ્યા હતા.''