ક્રિકેટ / ઈંગ્લેન્ડના દિગ્ગજ ખેલાડીનું ઈન્ટરનેશનલ ક્રિકેટને અલવિદા, વિરાટ કોહલી સાથે ખાસ કનેક્શન

ઈંગ્લેન્ડ ક્રિકેટ ટીમના ઓલરાઉન્ડર મોઈન અલીએ ઈન્ટરનેશનલ ક્રિકેટમાંથી નિવૃત્તિ લેવાની જાહેરાત કરી છે. ઈંગ્લેન્ડ અને ઓસ્ટ્રેલિયા વચ્ચે વનડે અને ટી-20 મેચોની સીરિઝ થવાની છે અને તેમાં મોઈનની પસંદગી ન કરવામાં આવી, આ પછી એમને આ મોટો નિર્ણય લીધો છે.

મોઈન અગાઉ ટેસ્ટ ક્રિકેટમાંથી નિવૃત્ત થયા હતા પરંતુ એશિઝ સીરિઝ દરમિયાન તેઓ પાછા ફર્યા હતા. ઈંગ્લેન્ડ ક્રિકેટ ટીમમાં મોઈન અલીનું યોગદાન ખૂબ મહત્વનું હતું. એમને ઈંગ્લેન્ડ માટે બે વર્લ્ડ ટ્રોફી પણ જીતી હતી.

મોઈને ડેઈલી મેઈલને આપેલા ઈન્ટરવ્યુમાં કહ્યું, "હું 37 વર્ષનો છું અને આ મહિને ઓસ્ટ્રેલિયા સામેની સીરીઝ માટે મારી પસંદગી કરવામાં આવી ન હતી. મેં ઈંગ્લેન્ડ માટે ઘણું ક્રિકેટ રમ્યું છે. હવે આવનારી પેઢીને મોકો આપવો જોઈએ આવું મને કહેવામાં આવ્યું. એ બાદ મને લાગ્યું કે હવે આ સાચો સમય છે."

વધુ વાંચો: ઓલી પોપે ટેસ્ટ ક્રિકેટમાં રચ્યો ઇતિહાસ, આવું કારનામું કરનારો દુનિયાનો પહેલો ખેલાડી

મોઈને આગળ કહ્યું, "મને ગર્વ છે, જ્યારે તમે પહેલીવાર ઈંગ્લેન્ડ માટે રમો છો ત્યારે તમને ખબર નથી હોતી કે તમારે કેટલી મેચ રમવાની છે. મેં લગભગ 300 મેચ રમી છે. મારા શરૂઆતના થોડા વર્ષો ટેસ્ટ ક્રિકેટની આસપાસના હતા. જ્યારે મોર્ગનએ ODI ક્રિકેટની કમાન સંભાળી અને એ બાદ તે વધુ મજેદાર બની ગયું. જો કે, ટેસ્ટ ક્રિકેટ જ વાસ્તવિક ક્રિકેટ હતું." સાથે જ એમ પણ કહ્યું કે મોઈન ફ્રેન્ચાઈઝી ક્રિકેટ રમવાનું ચાલુ રાખશે અને આ પછી તે કોચિંગ પર ધ્યાન આપશે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ