સૌનો સાથ સૌનો પ્રચાર / મોદી-યોગી જીંદાબાદ વચ્ચે યુવકે લગાવ્યા અખિલેશ જીંદાબાદના નારા, ડબલ શિફ્ટમાં કામ કરતો પકડાયો કાર્યકર્તા

• યુપી ચૂંટણી હવે અંતિમ તબક્કામાં
• પ્રચાર પડઘમ શાંત થયા
• ભાજપના કાર્યકર્તાનો વીડિયો વાયરલ

ઉત્તર પ્રદેશમાં વિધાનસભા ચૂંટણી માટે પ્રચાર પ્રસાર બંધ થઈ ગયો છે. સાત માર્ચે અંતિમ તબક્કા માટે વોટ નાખવામાં આવશે અને દશ માર્ચે પરિણામ જાહેર થશે. શનિવારે પાંચ માર્ચના રોજ યુપીમાં તમામ પાર્ટીઓ પુરા દમખમ સાથે મેદાનમાં પ્રચાર કરવા ઉતર્યા હતા. મોટા મોટા નેતાઓ રાત દિવસ એક કરીને પૂર્વાંચલમાં અડ્ડો જમાવીને બેઠા છે. ચૂંટણી સાથે જોડાયેલા કેટલાય વીડિયો અને ફોટો સામે આવ્યા છે, જેને જોઈને સૌ કોઈ હસી રહ્યા છે. 

સોશિયલ મીડિયા પર વાયરલ થયો વીડિયો

સોશિયલ મીડિયા પર હાલમાં આ વીડિયો ખૂબ વાયરલ થઈ રહ્યો છે. જેમાં એક યુવક યોગી મોદી જીંદાબાદના નારા લગાવી રહ્યો છે. જો કે, અધવચ્ચે તે અખિલેશ યાદવ જીંદાબાદના નારા પણ લગાવી રહ્યો છે. પત્રકાર સંજય શર્માએ આ વીડિયો શેર કર્યો છે. વીડિયોમાં દેખાઈ રહ્યું છે કે, યુવકો ભાજપનો ઝંડો લઈને ટોપી પહેરીને કાર્યકર્તાઓ બાઈકથી રેલી કરવા નિકળી પડે છે. 

pic.twitter.com/Zr2RVIH2oB

— Sanjay sharma (@Editor__Sanjay) March 5, 2022

ભાજપના કાર્યકર્તાએ લગાવ્યા અખિલેશના નારા

આ તમામની વચ્ચે એક યુવક બાઈક રેલીમાં યોગી મોદી જિંદાબાદના નારા લગાવતા હોય છે. આ યુવકની પાછળ પાછળ લોકો પણ જિંદાબાદના નાકા લગાવતા હોય છે. જો કે, આ દરમિયાન યુવક હળવેથી હસતા હસતા અખિલેશ યાદવ જિંદાબાદના નારા પણ લગાવી રહ્યો છે. ચૂંટણીની વચ્ચે વાયરલ થઈ રહેલો આ વીડિયો ખૂબ વાયરલ થઈ રહ્યો છે. જો કે, આ વીડિયો ક્યાંનો છે અને ક્યારનો છે, તેના વિશે જાણકારી સામે આવી નથી.

લોકોએ આપી પ્રતિક્રિયા

સોશિયલ મીડિયા પર લોકો આ વીડિયોને લઈને પોતાની પ્રતિક્રિયા આપી રહ્યા છે એક યુઝર્સે કહ્યું કે, કાલે જ્યારે સમય બદલાશે તો અખિલેશ સાથે પણ લોકો આવું જ કરશે. જ્યારે એક યુઝર્સે કહ્યું કે, વાહ શું કાર્યકર્તા છે ! એક યુઝર્સે લખ્યું હતું કે, વાહ શું સીન છે !