પ્રવાસ / PM મોદી અને શી જિનપિંગ જાણો ક્યા ઐતિહાસિક સ્થળોની મુલાકાત લેશે, આવો છે બે દિવસનો પ્રવાસ

• 11-12 ઓક્ટોબરે ભારતમાં હશે ચીની રાષ્ટ્રપતિ શી જિનપિંગ
• બંને દેશોની વચ્ચે થશે ઈન્ફોર્મલ સમિટ
• તમિલનાડુના મહાબલીપુરમમાં PM મોદી સાથે મુલાકાત કરશે

Tamil Nadu: Preparations being done at Chennai Airport ahead of the arrival of Chinese President Xi Jinping. The Chinese President will visit Chennai from October 11-12 for the second Informal Summit between Prime Minister Narendra Modi and him. pic.twitter.com/4pHsgwcjvh

— ANI (@ANI) October 10, 2019

ઐતિહાસિક સ્થળોની લેશે મુલાકાત

ચીનના રાષ્ટ્રપતિ શી જિનપિંગનો ભારત પ્રવાસ શરૂ થવામાં ગણતરીના કલાકો બચ્યા છે. બંને દેશોની વચ્ચે થનારી આ બીજી ઈન્ફોર્મલ સમિટ છે. જે આ વખતે તમિલનાડુના મહાબલીપુરમમાં થનારી છે. બે દિવસની યાત્રામાં ચીની રાષ્ટ્રપતિ પીએમ મોદીની સાથે મુલાકાત કરશે. અનેક મુદ્દા પર વાત પણ કરશે. સાથે જ અનેક ઐતિહાસિક સ્થળોની મુલાકાત પણ લેશે. 

શક્ય છે કે આ મુદ્દા પર થશે ચર્ચા, ઇન્ફોર્મલ મિટિંગ યોજાશે

ચીનના રાષ્ટ્રપતિ શી જિનપિંગ શુક્રવારે બપોરે ચેન્નઈ પહોંચશે. જ્યાંથી તે મહાબલીપુરમ રવાના થશે. અહીં બંને દેશોના પ્રમુખ ચા સાથે મિટિંગ કરશે અને વાતચીતની શરૂઆત અહીંથી શરૂ થશે. આ મિટિંગ સંપૂર્ણ રીતે ઈન્ફોર્મલ રહેશે એટલે તેનો કોઈ એજન્ડા નક્કી નથી. આમ છતાં બેઠકમાં આતંકવાદ, બિઝનેસ અને બોર્ડર વિવાદ જેવા મુદ્દા પર કોઈ નિર્ણય આવી શકે છે. 

Tamil Nadu: Around 2000 students of a school in Chennai form a formation wearing masks of Chinese President Xi Jinping, welcoming him to India. The Chinese President will visit Chennai from October 11-12 for the second Informal Summit between Prime Minister Narendra Modi and him. pic.twitter.com/VDtnFTSe15

— ANI (@ANI) October 10, 2019

મહાબલીપુરમ જ શા માટે?

તમિલનાડુમાં બંગાલની ખાડીના કિનારે મહાબલીપુરમ શહેર ચેન્નઈથી લગભગ 60 કિમી દૂર છે. આ નગરની સ્થાપના ધાર્મિક ઉદ્દેશથી પલ્લવ વંશના રાજા નરસિંહ દેવ બર્મને કરી હીત. પુરાતત્વ શોધમાં મહાબલિપુરમથી ચીની, ફારસી અને રોમના પ્રાચીન સિક્કા મોટી સંખ્યામાં મળ્યા હતા. મહાબલીપુરમની પાસે કાંચીપુરમમાં 7મી સદીમાં પલ્લવ શાસન સમયે ચીની યાત્રી હેન સાંગ આવ્યા હતા. તેઓએ પોતાની બુકમાં દક્ષિણ ભારતની ભવ્યતા અને ચીની સંબંધોનું પણ વર્ણન કર્યું હતું.

ચીની રાષ્ટ્રપતિ શી જિનપિંગના ભારત પ્રવાસનું 2 દિવસીય શિડ્યુલ

11 ઓક્ટોબર, શુક્રવાર

12:30 PM - પ્રધાનમંત્રી નરેન્દ્ર મોદીનું ચેન્નાઈ એરપોર્ટ પર આગમન

12:55 PM - મહાબલીપુરમ એરપોર્ટ પર હેલિકોપ્ટર દ્વારા આગમન

1:30 PM - ચીની રાષ્ટ્રપતિ શી જિનપિંગનું ચેન્નઈ એરપોર્ટ પર આગમન, એરપોર્ટ પર ચીની રાષ્ટ્રપતિનું સ્વાગત. આ સમયે એરપોર્ટ પર કોઈ પણ અન્ય ફ્લાઈટ ઉડશે નહીં.

1.45 PM - ચીની રાષ્ટ્રપતિ શી જિનપિંગ એયરપોર્ટથી હોટલ ITC ગ્રેંડ માટે રવાના થશે. થોડી વાર આરામ બાદ શી જિનપિંગ મહાબલીપુરમને માટે રવાના થશે.

5:00 PM - મહાબલિપુરમ પહોંચીને અર્જુનની તપસ્યા સ્થળી, પંચરથ, મલ્લમપુરમના શોરે મંદિરની લેશે મુલાકાત. આ સમયે પ્રધાનમંત્રી નરેન્દ્ર મોદી પણ રાષ્ટ્રપતિ જિનપિંગ સાથે રહેશે.

6:00 PM - સાંસ્કૃતિક કાર્યક્રમ માણશે.

6:45-8:00 PM - પીએમ મોદી, ચીની રાષ્ટ્રપતિ શી જિનપિંગનું ડિનર

12 ઓક્ટોબર, શનિવાર

10:00- 10:40 AM - ચીની રાષ્ટ્રપતિ અને પીએમ મોદીની મુલાકાત

10:50-11:40 AM - ભારત -ચીનની વચ્ચે ડેલિગેશન લેવલની વાતચીત

11:45- 12:45 PM - ચીની રાષ્ટ્રપતિના સમ્માનમાં લંચનું આયોજન

2:00 PM - પીએમ મોદી દિલ્લી માટે રવાના થશે, ચીની રાષ્ટ્રપતિ શી જિનપિંગ ચીન માટે રવાના થશે.

સંપૂર્ણ રીતે તૈયાર છે મહાબલીપુરમ

ચીની રાષ્ટ્રપતિના પ્રવાસ પહેલાંથી જ મહાબલીપુરમ સજી ચૂક્યું છે. અહીં ઐતિહાસિક સ્થળોને સજાવવામાં આવ્યા છે. આ સ્થળોએ બંને દેશોના પ્રમુખ મુલાકાત લેશે. શી જિનપિંગના ભારત પહોંચતા પહેલાં તેમના વાહન પહેલાં જ ચેન્નઈ પહોંચી ચૂક્યા છે. આ સિવાય ચેન્નઈ અને મહાબલીપુરમમાં તમામ પ્રકારની સુરક્ષા સજ્જ કરી દેવામાં આવી છે. 

ફોટો સૌજન્ય - ANI