મુલાકાત / વ્હાઈટ હાઉસમાં PM મોદીએ એવું તો શું કહ્યું કે, બાયડન અચાનક હસી પડ્યા

• વ્હાઈટ હાઉસમાં PM મોદી અને બાયડન વચ્ચે મુલાકાત
• ભારતમાં બાયડન અટક વાળા હોવાના પુરાવા સાથે લાવ્યાની PMએ કરી વાત
• બંન્ને રાષ્ટ્રના નેતાઓ હળવા મૂડમાં દેખાયા

આ દરમિયાન અમેરિકી રાષ્ટ્રપતિ પીએમ મોદી સાથે તેમના અને ઉપરાષ્ટ્રપતિ કમલા હેરિસના પૂર્વજો ભારતીય હોવા અંગે ચર્ચા કરતા જોવા મળ્યા હતા.

અને બંને રાષ્ટ્રના વડાઓ હસી પડ્યા 

ઔપચારિક અભિવાદન બાદ, બંને નેતાઓ વાતચીત કરવા બેઠા ત્યારે, અમેરિકન પ્રમુખે ભારતમાં પાંચ બાઈડનની હાજરી વિશે વાત કરવાનું શરૂ કર્યું. ભારતના પ્રધાનમંત્રી નરેન્દ્ર મોદી પણ તેમની રમુજી શૈલી પર હસ્યા. તેમણે જવાબ આપ્યો કે તે ભારતમાંથી બાઈડન લોકોની વંશાવલી લઈને આવ્યા છે. યુએસ પ્રમુખ તેને આરામથી વાંચી શકે છે. તેના જવાબરૂપે બાયડને જવાબ આપ્યો કે, મુંબઈ પ્રવાસે હતો ત્યારે હું ભારતીય મૂળની મહિલા સાથે લગ્ન કરવા ઈચ્છતો હતો. આ વાત પર બંન્ને રાષ્ટ્રોના વડા હસી પડ્યા હતા. 

પીએમ મોદીએ કહ્યું-ભારત-અમેરિકાના સંબંધોમાં ટેકનોલોજી મહત્વની ભૂમિકા ભજવે છે

પીએમ મોદીએ કહ્યું કે તમે કહ્યું કે 40 લાખ ભારતીયો અમેરિકાને મજબૂત કરી રહ્યા છે. લોકો વચ્ચેનો સંપર્ક મહત્વનો છે અને આમાં તમારું યોગદાન ખૂબ મહત્વનું રહેશે. એ જ રીતે, ભારત-અમેરિકાના સંબંધોમાં ટેકનોલોજી મહત્વની ભૂમિકા ભજવી શકે છે. એ જ રીતે, ભારત અને અમેરિકા વચ્ચે વેપારનો પોતાનો સંબંધ છે અને આપણે એકબીજાને પૂરક બનાવી શકીએ છીએ. કેટલીક ચીજો એવી છે જેની અમેરિકા પાસેથી ભારતને જરૂર છે તો કેટલીક ચીજો એવી પણ છે કે, ભારત પાસેથી અમેરિકાને જરૂર છે.

રાષ્ટ્રપતિ બાયડને વ્હાઇટ હાઉસમાં કહ્યું - આજે ભારત -અમેરિકા સંબંધોના નવા અધ્યાયની શરૂઆત

રાષ્ટ્રપતિ બાયડને વ્હાઇટ હાઉસમાં પીએમ મોદીને કહ્યું કે અમે તમને લાંબા સમયથી ઓળખીએ છીએ. તેમણે કહ્યું કે આજે આપણે ભારત-અમેરિકા સંબંધોના નવા અધ્યાયની શરૂઆત કરી રહ્યા છીએ. 4 મિલિયન ભારતીય અમેરિકનો દરરોજ અમેરિકાને મજબૂત બનાવી રહ્યા છે.

વ્હાઈટ હાઉસ બહાર લાગ્યા મોદી-મોદીના નારા 

પ્રધાનમંત્રી મોદી અમેરિકન રાષ્ટ્રપતિ જો બાયડનને મળવા પહોંચતા જ ભારતીય સમુદાયના લોકોએ વ્હાઈટ હાઉસની બહાર મોદી-મોદીના નારા લગાવ્યા હતા.

પીએમ મોદીએ અમેરિકન ઉપરાષ્ટ્રપતિ કમલા હેરિસની સાથે મુલાકાત કરી

જણાવી દઇએ કે, આ મહત્વની મીટિંગની પહેલા પીએમ મોદીએ અમેરિકન ઉપરાષ્ટ્રપતિ કમલા હેરિસની સાથે મુલાકાત કરી છે. ઓસ્ટ્રેલિયા અને જાપાનના પ્રધાન મંત્રીને મળ્યા હતા અને ભારતની સાથે મજબૂત સંબંધની પહેલ કરી છે. હવે તમામની નજર અમેરિકન રાષ્ટ્રપતિ બાયડન અને પીએમ મોદીની મુલાકાત પર ટકેલી છે. જેમાં આતંકવાદ સહિત અનેક મુદ્દાઓ પર ચર્ચા થવાની આશા છે.

તમારા(હેરિસની) ભારત આવવાની રાહ જોશે- પીએમ મોદી

તેમણે કહ્યું કે પોતાની જીતની સફર જારી રાખતા ભારતીયો ઈચ્છે છે કે તમે આને ભારતમાં જારી રાખીશું અને તમારા ભારત આવવાની રાહ જોશે. એટલા માટે હું તમને ભારત આવવાનું નિમંત્રણ આપું છું. કમલા હેરિસે એ વાત પર ભાર મૂક્યો કે ભારત અને અમેરિકાની સાથે કામ કરવાથી બન્ને દેશોના લોકો પર જ નહીં બલ્કે વિશ્વ પર ઉંડી અસર પાડશે. તેમણે કોરોના સહિત અનેક પ્રસંગે બન્ને દેશોની વચ્ચે નજર આવેલા સહયોગનો ઉલ્લેખ કર્યો છે. 

તમે જે રીતે મારી સાથે વાત કરી હતી તે હંમેશા યાદ રહેશે- પીએમ મોદી

તેમણે કહ્યું અમારી પાસે એક સંકટ કોરોના અને ખુલ્લા અને મુક્ત હિંદ પ્રશાંત વિસ્તારને લઈને આપણો સહિયારા વિશ્વાસનું મહત્વ હતુ. કોરોના પર આપણા દેશોએ મળીને કામ કર્યુ. મહામારીની શરુઆતમાં ભારત અન્ય દેશોને રસી પહોંચાડવાનો મહત્વનો સ્ત્રોત હતો. આ દરમિયાન પીએમ કમલા હેરિસની સાથે જૂનમાં થયેલી વાતચીતનો ઉલ્લેખ કર્યો અને કહ્યું કે તમે જે રીતે મારી સાથે વાત કરી હતી તે હંમેશા યાદ રહેશે. 

 તેમણે કહ્યું હતું કે તેઓને એ સમયે કમલા હેરિસના બોલાયેલા એકતાના શબ્દો યાદ છે. વડાપ્રધાને કહ્યું કે કોવિડ મહામારી સાથેની ખૂબ જ મુશ્કેલ લડાઈમાં અમેરિકી સરકાર અને કંપનીઓ અને વિદેશી ભારતીય સમુદાય ખૂબ મદદરૂપ થયા હતા.