Yahooની લિસ્ટમાં PM મોદી સતત બીજા વર્ષે ટોપ ન્યૂઝમેકર તો રાહુલ ગાંધી બીજા સ્થાન પર

પ્રધાનમંત્રી નરેન્દ્ર મોદી સતત બીજા વર્ષે યાહુ પર સૌથી મોટા ન્યુઝમેકર રહ્યાં છે. બીજા નંબર પર કોંગ્રેસના અધ્યક્ષ રાહુલ ગાંધી છે. ટ્રિપલ તલાક પર નિર્ણય આપનાર પૂર્વ ચીફ જસ્ટિસ દીપક મિશ્રા ત્રીજા નંબર પર રહ્યાં છે. મંગળવારે જાહેર થયેલા યાહુ યર ઈન રિવ્યુ લિસ્ટ 2018માં આ વાત બહાર આવી છે.

મીટૂના આરોપમાં ફસાયેલા એમ જે અકબરનો છઠ્ઠો નંબર

1. યાહુના યર ઈન રિવ્યુ લિસ્ટમાં ભાગેડું કારોબારી વિજય માલ્યાનો ચોથો નંબર છે. પીએનબી ગોટાળાના આરોપી નીરવ મોદી પાંચમાં નંબર પર રહ્યાં છે. યૌન ઉત્પીડનના આરોપી પૂર્વ વિદેશ રાજય મંત્રી એમ જે એકબર લિસ્ટમાં છઠ્ઠા નંબર પર રહ્યાં છે. આ આરોપીના કારણે તેમણે મંત્રી પદ પરથી રાજીનામુ આપવું પડયું.

રણવીર દીપકા બંને કંપલ ન્યુઝમેકર

2. કપલ ન્યુઝ મેકર્સમાં રણવીર સિંહ અને દીપિકા પાદુકોણે જગ્યા બનાવી છે. અંડર-2 યર કેટેગરીમાં સેફ અલી ખાનના પુત્ર તૈમૂરે લિસ્ટમાં સ્થાન મેળવ્યું છે. મલયાલી ફિલ્મોની એકટ્રેસ પ્રિયા પ્રકાશ વોરિયર પણ લિસ્ટમાં સામેલ થઈ છે. યાહુનું કહેવું છે કે ફિલ્મ આરૂ આદાર લવમાં પ્રિયાની આંખ મટકાવવાની સ્ટાઈલ ઈન્ટરનેટ પર ખૂબ જ ચર્ચામાં રહી હતી.

3. યાહુના જણાવ્યા પ્રમાણે આ વર્ષે કર્ણાટક ઈલેકશનનો ટોપિક સૌથી વધુ સર્ચ કરવામાં આવ્યો હતો. આધારના સોફ્ટવેરની ચકાસણી સાથે જોડાયેલો વિષય સર્ચમાં બીજા નંબર પર રહ્યો હતો.

4. ફાઇનાન્સ ન્યૂઝમેકર કેટેગરીમાં RBIના ગવર્નર ઉર્જિત પટેલ ટૉપ પર રહ્યા. રિલાયન્સ ઇન્ડસ્ટ્રીના ચેરમેન મુકેશ અંબાણી બીજા નંબર પર રહ્યા. આ કેટેગરીમાં અનિલ અંબાણીનું નામ પણ શામેલ છે. 

ફિમેલ સેલેબ્રિટીમાં સની લિયોની ટોપ પર:

5. મેલ સેલેબ્રિટીમાં ઇન્ટરનેટ પર સૌથી વધારે સલમાન ખાનને સર્ચ કરવામાં આવ્યો જ્યારે અમેરિકન સિંગર અને પ્રિયંકા ચોપરાને પતિ નિક જોનસ બીજા સ્થાન પર છે. ફિમેલ સેલેબ્રિટીમાં સની લિયોની ટોપ પર છે.