IPLIN
 
  • Home
  • India
  • Modi Jinping Second Day Meet At Taj Fisherman Cove

વાતચીત / નેપાળ જવા રવાના થયા ચીનના રાષ્ટ્રપતિ શી જિનપિંગ, કહ્યું ભારતનો પ્રવાસ યાદગાર રહેશે

Team VTV 01:34 PM, 12 Oct 19 | Updated: 02:28 PM, 12 Oct 19
Follow us
Modi Jinping Second Day Meet At Taj Fisherman Cove

દ્વિપક્ષીય વાતચીત પૂર્ણ થયા બાદ પીએમ મોદીએ શી જિનપિંગને એક મહત્વની ભેટ પણ આપી હતી. પીએમ મોદીની આગતા સ્વાગતા માણ્યા બાદ શી જિનપિંગ નેપાળ જવા રવાના થયા હતા. જતી સમયે તેઓએ પીએમ મોદીને પણ ચીનની મુલાકાતે આવવાનું આમંત્રણ આપ્યું હતું અને પીએમ મોદીએ તેને સ્વીકાર પણ કર્યું હતું.

  • બીજા દિવસે મળ્યા PM મોદી અને રાષ્ટ્રપતિ શી જિનપિંગ. 
  • તાજ કોવ રિસોર્ટમાં થઈ બંને નેતાઓની બેઠક
  • બંને નેતાઓ વચ્ચે લગભગ 40 મિનિટ સુધી થઈ હતી વાતચીત
  • શી જિનપિંગના સન્માનમાં પીએમ આપશે લંચ પાર્ટી
  • આતંકવાદ અને કટ્ટરપંથ માટે જાહેર કરી ચિંતા

ભારત પ્રવાસ બાદ નેપાળ જવા રવાના થયા શી જિનપિંગ

ચીની રાષ્ટ્રપતિ શી જિનપિંગ બે દિવસનો ભારત પ્રવાસ પૂરો કરીને નેપાળ જવા માટે રવાના થયા છે. 

પ્રતિનિધિમંડળ સ્તરની વાતચીતમાં PM મોદીનું નિવેદન

સ્થાપના દિવસ પર ચીનને શુભકામના પાઠવી હતી. આ સાથે રાષ્ટ્રપતિની સાથે ચીનથી આવેલા તમામ સભ્યોનું ઉત્સાહથી સ્વાહત કરું છું. તેઓએ કહ્યું કે એકમેકના સંબંધો વિશે વિચારીશું અને સાથે જ વિશ્વમાં શાંતિનું ઉદાહરણ પણ પાઠવીશું. શક્ય તેટલા મતભેદને દૂર કરવાના પ્રયાસ કરીશું. વધુમાં પીએમ મોદીએ કહ્યું કે ચેન્નઈ ભારત -ચીનના સંબંધોનું સાક્ષી છે. છેલ્લા 2000 વર્ષથી ભારત- ચીન દુનિયાની આર્થિક શક્તિ બન્યું છે. 

પ્રતિનિધિમંડળ સ્તરની વાતચીતમાં શી.જિનપિંગનું નિવેદન

હું ભારતમાં મારા સ્વાગતથી અભિભૂત છું, તમિલનાડુમાં મારું જે રીતે સ્વાગત થયું તેનાથી ખુશ છું. મારા પ્રવાસથી બંને દેશ વચ્ચે ભાવનાત્મક જોડાણ વધશે. અમે મિત્રોની જેમ બે દિવસીય બેઠકમાં વાતચીત કરી છે. અનૌપચારિક વાતચીતનો નિર્ણય મને યોગ્ય લાગ્યો છે. અનૌપચારિક વાતચીત આગળ પણ ચાલુ રાખીશું. ભારત- ચીનમાં એકમેક માટે સહયોગ વધી રહ્યો છે. 

રાષ્ટ્રપતિ શી જિનપિંગને પીએમ મોદીની ખાસ ભેટ

તાજ ફિશરમેન હોટલમાં પીએમ મોદી અને ચીનના રાષ્ટ્રપતિ શી જિનપિંગ હેન્ડલૂમ અને કલાકૃતિઓના એક પ્રદર્શનમાં સામેલ થાય. આ પ્રદર્શનીમાં પીએમ મોદીએ ચીની રાષ્ટ્રપતિને ભારતની કલાકૃતિઓને વિશે જણાવ્યું. આ સિવાય પીએમ મોદીએ રાષ્ટ્રપતિને સિલ્કના કપડાં પર બનેલો એક ફોટો ભેટ આપ્યો. 

પ્રતિનિધિમંડળમાં આ નેતાઓ રહ્યા હાજર

ભારત અને ચીન વચ્ચે પ્રતિનિધિમંડળ સ્તરની વાતચીત થઈ હતી. જેમાં પીએમ નરેન્દ્ર મોદી, રાષ્ટ્રીય સુરક્ષા સલાહકાર અજીત ડોભાલ અને વિદેશમંત્રી એસ. જયશંકર હાજર રહ્યા હતા. 

સમુદ્ર કિનારે લોનમાં કરી મીટિંગ

તાજ ફિશરમેન કોવ હોટલની બહાર નીકળીને સમુદ્રના કિનારે લોનમાં બેસીને પીએમ મોદી અને શી જિનપિંગે વાતચીત કરી હતી. 

ઈકો ફ્રેન્ડલી રિક્ષામાં કરી કોવ રિસોર્ટની ઝાંખી

પ્રધાનમંત્રી નરેન્દ્ર મોજી અને શી જિનપિંગની વચ્ચેની વાતચીત પછી બંને દેશની વચ્ચે પ્રતિનિધિમંડળ સ્તરની વાતચીત થશે. ત્યારબાદ પીએમ મોદી ચીનના રાષ્ટ્રપતિ શી જિનપિંગના સન્માનમાં લંચ આપશે. ઉલ્લેખનીય છે કે ચીનના રાષ્ટ્રપતિ જ્યારે પોતાની હોટલથી તાજ ફિશરમેનના કોવ રિસોર્ટમાં જઈ રહ્યા હતા ત્યારે પીએમ મોદી તેમને ઈકો- ફ્રેન્ડલી રિક્ષામાં લઈ ગયા હતા.

બંને દેશ અલગ અલગ રીતે રજૂ કરશે નિવેદનો 

રાષ્ટ્રપતિ શી જિનપિંગની સાથે મુલાકાત બાદ ભારત અને ચીન અલગ અલગ રીતે પોતાના નિવેદનો જાહેર કરશે. માનવામાં આવી રહ્યું છે કે બંને દેશની વચ્ચે આતંકવાદ, વ્યાપાર, વન બેલ્ટ વન રોડ જેવા મુદ્દા પર પણ વાતચીત શક્ય છે. 

ચીનના રાષ્ટ્રપતિની સાથે 100 સભ્યોનું પ્રતિનિધિમંડળ રહેશે

ચીનના રાષ્ટ્રપતિ શી-જિનપિંગની સાથે વિદેશ મંત્રી વાંગ યી અને સ્ટેટ કાઉન્સેલર યાંગ જીએવી સહિત 100 સભ્યોનું પ્રતિનિધિમંડળ પણ આવ્યું છે. ચીનના આ પ્રતિનિધિમંડળમાં કેન્દ્રીય કમિટી અને રાજનીતિના બ્યૂરોના સદસ્ય ડિંગ શુઈશિયાંગ, સ્ટેટ કાઉન્સેલર યાંગ જીએચી, વિદેશમંત્રી વાંગી યી, ચીનના પીપલ્સ પોલિટિકલ કંસલ્ટેટિવ કોન્ફરન્સની રાષ્ટ્રિય સમિતિના ઉપાધ્યક્ષ એચ.ઈ.લાઈફેંગ અને અન્ય લોકો સામેલ છે. વાંગ યી અને યાંગ જીએચી પોતાના ભારતીય સમકક્ષ વિદેશ મંત્રી એસ. જયશંકર અને રાષ્ટ્રિય સુરક્ષા સલાહકાર અજીત ડોભાલની સાથે અલગથી વાતચીત કરશે. 

આજે રાષ્ટ્રિય- આંતરરાષ્ટ્રિય અને ક્ષેત્રીય મુદ્દા પર થશે વાતચીત

પીએમ મોદી અને ચીનના રાષ્ટ્રપતિ શી જિનપિંગ આજે ફરી મહાબલીપુરમમાં એકમેકને મળશે. આ સમયે તેઓ રાષ્ટ્રિય- આંતરરાષ્ટ્રિય અને ક્ષેત્રીય મુદ્દા પર ચર્ચા કરશે. ભારત અને ચીનની વચ્ચે પ્રતિનિધિમંડળ સ્તરની વાતચીત પણ આજની મીટિંગમાં શક્ય છે. ઉલ્લેખનીય છે કે આ મુલાકાતમાં બંને નેતાઓની સાથે ટ્રાન્સલેટર પણ હાજર રહેશે. 

બીજા દિવસની મીટિંગમાં આ મુદ્દાઓ પર ચર્ચા શક્ય

ચીનના રાષ્ટ્રપતિ બે દિવસ માટે ભારતના પ્રવાસે આવ્યા છે. પ્રવાસના બીજા દિવસે બન્ને નેતાઓ વચ્ચે દ્ધિપક્ષીય વાતચીત થશે. જેમાં ભારત-ચીન સીમા વિવાદ મુદ્દે પણ વાતચીત શક્ય છે. ભારતમાં 5G ટેકનોલોજીમાં ચીની કંપનીની એન્ટ્રી મુદ્દે ચર્ચા થઈ શકે છે. આ સાથે બન્ને દેશનાં વ્યાપર હિત મુદ્દે પણ ચર્ચા થાય તે શક્ય છે. 

બીજા દિવસે રાષ્ટ્રપતિ શી જિનપિંગે પીએમ મોદી સાથે લીધી તમિલનાડુના કોવલમની તાવ કોવ રિસોર્ટની મુલાકાત, જુઓ વાયરલ વીડિયો.

ચીનના રાષ્ટ્રપતિ કોવલમ માટે થયા રવાના

ચીનના રાષ્ટ્રપતિ શી જિનપિંગનો કાફલો ITC ગ્રાન્ડ ટોલા હોટલથી કોવલમને માટે રવાના થયો છે. અહીં તેઓ પીએમ મોદી સાથે મુલાકાત કરશે. વાતચીત કરતાં પહેલાં કોવલમમાં રાષ્ટ્રપતિ શી જિનપિંગે પીએમ મોદી સાથે ગાડીમાં તાજ કોવ રિસોર્ટમની મુલાકાત પણ લીધી હતી.

પહેલાં દિવસે આતંકવાદ પર થઈ વાતચીત

પહેલા દિવસે મોદી- જિનપિંગની વચ્ચે આતંકવાદ અને કટ્ટરતા પર વાતચીત થઈ હતી. બંને નેતાઓએ આ બાબતે સાથે મળીને કામ કરવાનું નક્કી કર્યું હતું. બંને નેતાઓમાં લગભગ 5 કલાક સુધી મુલાકાત થશે અને સાથે વ્યાપાર- આર્થિક રોકાણ સાથે જોડાયેલા મુદ્દા પર વાતચીત થઈ હતી. 
 

second day Meeting PM Modi and Xi Jinping taj fisherman Informal Summit દ્વિપક્ષીય વાતચીત મહાબલીપુરમ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ