પીએમ મોદીના નામ પર તમિલનાડુમાં ઈડલી વેચવાની યોજના બનાવવામાં આવી છે. ઈડલીના નામ પણ Modi idlis છે જેની કિંમત ખૂબ ઓછી છે.
દક્ષિણ ભારતની મશહૂર ડીશ ઈડલીરસિકો અને મોદીફેન્સ માટે સારા સમાચાર
તમિલનાડુમાં જનતા માટે મોદી ઈડલીની તૈયારી
મોદી ઈડલી ખૂબ સસ્તી, દસ રૂપિયામાં મળશે ચાર નંગ
સેલમમાં હવે ‘મોદી ઈડલી’
વડા પ્રધાન નરેન્દ્ર મોદીની લોકપ્રિયતાને ધ્યાનમાં રાખીને તામિલનાડુનાં સેલમમાં હવે ‘મોદી ઈડલી’ રજૂ કરવામાં આવી રહી છે. સેલમમાં પહેલાં ૨૨ દુકાન પર આ ઉપલબ્ધ થશે. ત્યારબાદ તેનું વેચાણ કેવું રહે છે તે જોયા બાદ દુકાન વધારવામાં આવશે.
૧૦ રૂપિયામાં લોકોને ચાર નંગ ઈડલી આપવામાં આવશે
પીએમ નરેન્દ્ર મોદીના નામની મોદી ઈડલી વેચવાની તૈયારી તામિલનાડુનાં સેલમ શહેરમાં ખૂબ જ ઉત્સાહ સાથે ચાલી રહી છે. શહેરમાં દરેક સ્થળે તેનાં પોસ્ટર પણ લગાડવામાં આવ્યાં છે.સેલમમાં ઉપલબ્ધ થનારી મોદી ઈડલીનો ભાવ ૧૦ રૂપિયા રાખવામાં આવ્યો છે. ૧૦ રૂપિયામાં લોકોને ચાર નંગ ઈડલી આપવામાં આવશે. તેની સાથે સંભાર પણ મળશે.
દરેક સ્થળે તેનાં પોસ્ટર પણ લગાડવામાં આવ્યાં
તામિલનાડુના સેલમમાં ‘મોદી ઈડલી’ વેચવાનો વિચાર રાજ્યના ભાજપના નેતા મહેશનો છે. તેમણે શહેરમાં તેના પોસ્ટર પણ લગાવી દીધાં છે. પોસ્ટરમાં લખ્યું છે કે, મહેશ પ્રસ્તુત કરે છે ‘મોદી ઈડલી’. ૧૦ રૂપિયામાં ચાર નંગ. સંભારની સાથે. આ ઈડલીને અત્યાધુનિક કિચન ઉપકરણોથી બનાવવામાં આવશે.