કોરોના વાયરસ / ખાનગી હોસ્પિટલોની સીધી રસી ખરીદી પર કેન્દ્રએ લગાવ્યો પ્રતિબંધ, જાણો શું છે નવો ફોર્મૂલા

• ખાનગી હોસ્પિટલો સીધી રસી નિર્માતા પાસેથી રસી નહીં ખરીદી શકે
• ડોઝ ખરીદીને લઈને ડિટેલ્સ કોવિન પોર્ટલ પરથી લઈ શકાશે
• જે હોસ્પિટલો પહેલા રસીકરણમાં નહોંતી જોડાઈ તે કેવી રીતે જોડાઈ શકે

 ખાનગી હોસ્પિટલો સીધી રસી નિર્માતા પાસેથી રસી નહીં ખરીદી શકે

1 જુલાઈથી ખાનગી હોસ્પિટલો સીધી રસી નિર્માતા પાસેથી રસી નહીં ખરીદી શકે. તેમણે કહે કોવિન પર રસીનો ઓર્ડર આપવો પડશે. એટલું જ નહીં કેન્દ્ર સરકારે રસીના મંથલી સ્ટોકની લિમિટ પણ નક્કી કરવાનો નિર્ણય પણ કર્યો છે. કેન્દ્રએ પ્રાઈવેટ હોસ્પિટલમાં મહિનામાં વધારેમાં વધારે ડોઝનો સ્ટોક રાખવાનો છે આને નક્કી કરવા માટે એક ફોર્મૂલા તૈયાર કર્યો છે.

હોસ્પિટલને કેવી રીતે કેટલા ડોઝ મળશે

એક અખબાર મુજબ મુંબઈની હોસ્પિટલમાં મંગળવારે એક એસઓપી એટલે કે સ્ટાન્ડર્ડ ઓપરેટિંગ પ્રોસીજર ડોક્યૂમેન્ટ પહોંચ્યું છે. જે અનુસાર પ્રાઈવેટ હોસ્પિટલમાં ગત મહિને કોઈ ખાસ અઠવાડિયામાં રોજ જેટલી અંદાજીત ખપત થઈ છે. તેના બે ગણા ડોઝ જ મળશે. જોકે ખાનગી હોસ્પિટલમાં રસી માટે રોજના અંદાજીત નિકાલ માટે પોતાની પસંદગીનું અઠવાડિયું પસંદ કરવાની છૂટ છે. આ માટે ડિટેલ્સ કોવિન પોર્ટલ પરથી લઈ શકાશે.

જે હોસ્પિટલો પહેલા રસીકરણમાં નહોંતી જોડાઈ તે કેવી રીતે જોડાઈ શકે

આ ઉપરાંત તે હોસ્પિટલો જે રસીકરણ અભિયાનમાં જોડાવા માટે પ્લાન બનાવી રહ્યા છે અને જેમના પહેલા રસીકરણનો રેકોર્ડ નથી તેમને બેડની સંખ્યાના આધાર પર  રસીની સંખ્યા નક્કી કરી પુરી પાડવામાં આવશે.   50 બેડની ક્ષમતા ધરાવતા હોસ્પિટલને મહત્તમ 3 હજાર ડોઝનો આદેશ આપી શકાય છે. જ્યારે 50થી 300 બેડ વાળા હોસ્પિટલને 6 હજાર ડોઝ સુધી અને 300 બેડ વાળા હોસ્પિટલોને 10 હજાર ડોઝ સુધીના આદેશ આપી શકાય છે. એસઓપી હોસ્પિટલમાં કહેવામાં આવ્યું છે કે ખાનગી રસીકરણ કેન્દ્ર એક મહિનામાં 4 હપ્તામાં રસીના ઓર્ડર આપી શકે છે.

પહેલા શું હતો નિયમ

દસ્તાવેજોમાં કહેવામાં આવ્યું છે કે રસી ખરીદવા માટે કોઈ પણ સરકારી પ્રાધિકરણ દ્વારા અપ્રુવલની કોઈ જરુર નહી રહે. કોવિન પર ખરીદ આદેશને સફળતા પૂર્વક પ્રસ્તુક કરવાનો જ પુરતુ રહેશે. એક વાર ડિમાન્ડ પ્રસ્તુત કર્યા બાદ નિર્માતાઓને આપતા પહેલા જિલ્લા અને રાજ્ય વાર સંખ્યાઓને કોવિન એકત્રિત કરશે. ખાનગી કેન્દ્રોને રાષ્ટ્રીય સ્વાસ્થ્ય પ્રાધિકરણ પોર્ટલ પર રસી માટે ચૂકવણી કરવાની રહેશે. ઉલ્લેખનીય છે આ પહેલા નિયમ એ હતો કે 25 ટકા રસી ખાનગી હોસ્પિટલ સીધી નિર્માતાઓ પાસેથી ખરીદી શકશે અને 75 ટકા કેન્દ્ર પોતાના ભાગે રાખશે.