હાલમાં દેશના 15 રાજ્યોના અમુક જિલ્લાઓમાં LPG સિલિન્ડર પર સબસિડીનો લાભ આપવામાં આવી રહ્યો છે.
LPG સબસિડીને લઈને મોટા સમાચાર
મોદી સરકાર લઈ શકે છે મહત્વપૂર્ણ નિર્ણય
જાણો કોને કેટલી મળશે સબસિડી
વધતી મોંઘવારીની વચ્ચે રસોઈ ગેસ સિલિન્ડરની સબસિડીને લઈને સામાન્ય લોકોમાં ખૂબ આશા છે. એવામાં લોકો માટે મોટી ખબર સામે આવી છે. એવી ચર્ચા છે કે રાંઘણ ગેસ સિલિન્ડરની કિંમત 1000 રૂપિયાનો આંકડો પાર કરી શકે છે. LPG સિલિન્ડરના વધતા ભાવને લઈને સરકારનો પક્ષ હજુ સામે નથી આવ્યો.
આ મહિને પણ કમર્શિયલ ગેસની કિંમતોમાં વધારો થયો છે. પરંતુ સરકારના એક આંતરિક મૂલ્યાંકનમાં ઈશારો મળ્યો છે કે ઉપભોક્તા એક સિલિન્ડર માટે 1000 રૂપિયા સુધી આપવા માટે તૈયાર છે. સૂત્રોના જણાવ્યા અનુસાર, એલપીજી સિલિન્ડપ પર સરકાર બે પ્રકારનો નિર્ણય લઈ શકે છે. પહેલો સરકાર વગર સબસિડીએ સિલિન્ડર સપ્લાય કરે. બીજો, અમુક પસંદગીના ગ્રાહકોને પમ સબસિડીનો લાભ આપવામાં આવે.
સબસિડી પર શું છે સરકારનો પ્લાન?
સબસિડી આપવા વિશે સરકારની તરફથી હજુ કોઈ પણ સ્પષ્ટતા નથી આપવામાં આવી. પરંતુ અત્યાર સુધી મળેલી જાણકારી અનુસાર, 10 લાખ રૂપિયા ઈનકમના નિયમો લાગુ રાખવામાં આવશે અને ઉજ્જવલા યોજનાના લાભાર્થીઓને સબસિડીનો લાભ મળશે. તમને જણાવી દઈએ કે બાકી લોકો માટે સબસિડી ખતમ થઈ શકે છે.
હાલ કોને મળે છે સબસિડી?
તમને જણાવી દઈએ કે પાછલા ઘણા મહિનાઓથી અમુક જગ્યાઓ પર એલપીજી પર સબસિડી બંધ થઈ ગઈ અને આ નિયમ મે 2020થી ચાલતો આવ્યો છે. આંતરરાષ્ટ્રીય બજારોમાં કોરોના મહામારી વખતે ક્રૂડ ઓઈલ અને ગેસની કિંમતો સતત ઘટી રહી છે ત્યાર બાદ જ આ પગલું ભરવામાં આવ્યું છે. જોકે સરકારે હજુ સુધી એલપીજી સિલિન્ડર પર સંપૂર્ણ રીતે સબસિડી બંધ નથી કરી.