Monsoon Session / સંસદના મોનસૂન સત્રમાં થશે સીમિત પ્રશ્નકાળ, મોદી સરકારે પરત લીધો નિર્ણય

• મોનસૂન સત્ર 14 સપ્ટેમ્બરથી થશે શરૂ
• પ્રશ્નકાળ રદ્દ કરવાના નિર્ણયમાં સરકારે યૂ ટર્ન લીધો
• હવે સીમિત પ્રશ્નકાળ સાથે શરૂ થશે મોનસૂન સત્ર

સરકારની દલીલ

જોશીએ કહ્યું કે અમે કોઈ પણ ચર્ચાથી ભાગી રહ્યા નથી અને અમે દરેક મુદ્દા પર અને વિષયો પર ચર્ચા કરવા તૈયાર છીએ. આ સાથે જ કોરોનાની સ્થિતિને ધ્યાનમાં રાખીને પ્રશ્નકાળ સીમિત કરાશે. પ્રશ્નકાળમાં મંત્રાલયોના અધિકારીઓએ સંસદમાં આવવાનું હોઈ ભીડ ઓછી કરવા તેને રદ્દ કરવાનો નિર્ણય લેવાયો હતો. સત્રને માટે જાહેર કરાયેલી અધિસૂચના પહેલાં સરકારે પણ વિપક્ષી દળોનો સંપર્ક કર્યો હતો અને તેમાંથી મોટા ભાગના પ્રશ્નકાળ આયોજિત કરવા માટે અસહમત રહ્યા હતા. 

વિપક્ષનો આરોપ

લોકસભામાં કોંગ્રેસના નેતા અધીર રંજન ચૌધરી અને રાજ્યસભામાં પાર્ટીના ઉપનેતા આનંદ શર્માએ પ્રશ્નકાળ હટાવવા માટેના નિર્ણયની આલોચના કરી છે. વામદળ અને તૃણમૂલ કોંગ્રેસ આ મુદ્દા પર સરકાર પર પ્રહાર કરી ચૂક્યા છે. પ્રશ્નકાળ સ્થગિત કરવાના નિર્ણયની આલોચના કરતા સરકાર પર આરોપ લગાવ્યો છે કે કોરોના મહામારીના નામે લોકતંત્રની હત્યા કરાઈ રહી છે. વિપક્ષી દળોએ આરોપ લગાવ્યો છે કે સરકાર સવાલ પૂછવા પર સાંસદના અધિકારોથી વંચિત રહેવા ઈચ્છે છે. તેમનું કહેવું છે કે આ એ માટે કરાયું છે કે વિપક્ષી સભ્યો અર્થવ્યવસ્થા અને કોરોના મહામારી પર સરકારથી પ્રશ્નો ન પૂછે. 

આ છે મોનસૂન સત્રનો કાર્યક્રમ

લોકસભા અને રાજ્યસભા તરફથી જાહેર અધિસૂચનાના આધારે બંને સભ્યોની કાર્યવાહી અલગ અલગ કરાશે. સવારે 9-1 સુધી અને બપોરે 3-7 વાગ્યા સુધી આ કાર્યવાહી ચાલશે. શનિવાર અને રવિવારે પણ સંસદની કાર્યવાહી ચાલુ રહેશે. સંસદ સત્રની શરૂઆત 14 સપ્ટેમ્બરે થશે. તે 1 ઓક્ટોબરે પૂરી થશે. ફક્ત પહેલા દિવસ સિવાય રાજ્યસભાની કાર્યવાહી સવારની પાળીમાં ચાલશે અને સાથે લોકસભાની સાંજની પાળીમાં બેઠક યોજાશે.