દેશની પહેલી મહિલા નાણામંત્રી નિર્મલા સીતારમણએ મોદી સરકાર 2 નું પહેલું સામાન્ય બજેટ શુક્રવારે રજૂ કર્યું. આ બજેટમાં અલગ અલગ ક્ષેત્રો માટે ઘણી જોગવાઇ કરવાની વાત કહેવામાં આવી છે. આ ક્ષેત્રોમાં શિક્ષા અને રોજગાર માટે પણ વાત કહેવામાં આવી છે.
આ વખતે સામાન્ય બજેટમાં નાણામંત્રી નિર્મલા સીતારમણના પિટારાથી શિક્ષા અને રોજગારના ક્ષેત્રોમાં યુવાઓ માટે શું આપ્યું છે, અમે તમને જણાવીએ
યુવાઓ માટે મુખ્ય વાતો
નેશનલ એજ્યુકેશન પૉલિસી લાવશે સરકાર
આ પૉલિસી અંતર્ગત સ્કૂલ અને ઉચ્ચ શિક્ષણમાં બદલાવ પર જોર આપવામાં આવશે.
નેશનલ રિસર્ચ ફાઉન્ડેશન
દેશમાં શોધની ગુણવત્તા સુધારવા અને પ્રૌઘોગિતી સહિત અન્ય ક્ષેત્રોમાં શોધને પ્રોત્સાહન આપવા માટે નેશનલ રિસર્ચ ફાઉન્ડેશન બનાવવામાં આવશે, જેથી સંશોધનને પ્રોત્સાહન આપી શકાય . દેશમાં સંશોધન સિસ્ટમને મજબૂત કરવા પર ભાર આપવામાં આવશે
સ્ટાર્ટઅપ માટે ટીવી પ્રોગ્રામ
સ્ટાર્ટઅપમાં મદદ કરવા માટે દૂરદર્શન પર ખાસ કાર્યક્રમ લાવવામાં આવશે.
સ્કૂલ કૉલેજ
નવી નીતિમાં સ્કૂલો અને કૉલેજોમાં પણ ઘણા બદલાવ કરવાની યોજના છે.
સ્પોર્ટસમાં કરિયર
રાષ્ટ્રીય ખેલ શિક્ષા બોર્ડનું ગઠન કરવામાં આવશે. જે બાળકો, યુવા સ્પોર્ટ્સમાં કરિયર બનાવવા ઇચ્છે છે એને મદદ મળી શકશે.
400 કરોડ
ઉચ્ચ શિક્ષા અને ઉચ્ચ સંસ્થાઓ માટે બજેટમાં 400 કરોડ રૂપિયાનો ખર્ચ કરવાની જોગવાઇ કરવામાં આવી છે.
કૌશલ વિકાસ
દેશમાં સ્કિલ્ડ મેનપાવર વધારવા માટે એક કરોડ યુવાઓને કૌશલ વિકાસની ટ્રેનિંગ આપવામાં આવશે.
ઑનલાઇન કોર્સ
વિભિન્ન પાઠ્યક્રમો માટે ઑનલાઇન કોર્સ ચલાવવા પર ફોકસ કરવામાં આવશે. જેના કારણે દૂર રહેતા અથવા કોઇ અન્ય કારણથી કોઇનો અભ્યાસ અટકે નહીં.
સ્ટડી ઇન્ડિયા
સ્ટડી ઇન્ડિયા પ્રોગ્રામ ચલાવવામાં આવશે. કારણ કે વધારેમાં વધારે વિદેશી વિદ્યાર્થીને ભારતમાં ભણવા માટે પ્રેરિત કરવામાં આવશે.
વિદેશમાં નોકરી
ભારતના યુવાઓને વિદેશમાં નોકરીમાં સમસ્યા ના આવે, એના માટે ખાસ પ્રશિક્ષણ કાર્યક્રમ ચલાવવામાં આવશે. એ હેઠળ યુવાઓને વિદેશમાં નોકરી માટે પ્રશિક્ષિત કરવામાં આવશે.
વિદેશથી પુસ્તકો મંગાવવી મોંઘી
વિદેશમાંથી પુસ્તકો મંગાવવી હવે મોંઘી પડશે. સામાન્ય બજેટમાં નિર્મલા સીતારમણે જાહેરાત કરી છે કે હવે વિદેશથી પુસ્તકો પર 5 ટકા વધારે ટેક્સ આપવો પડશે.
નિર્મલા સીતારમણે બજેટ રજૂ કરતી વખતે જણાવ્યું કે દુનિયાના ટૉપ 200 શૈક્ષણિક સંસ્થાઓમાં ભારતની 3 સંસ્થાઓ પણ સામેલ છે.