કેન્દ્ર સરકારે પબ્લિક પ્રોવિડન્ટ ફંડને લઈને એક ખાસ સૂચના જાહેર કરી છે. સરકારે આ સૂચનાનું નામ પબ્લિક પ્રોવિડન્ટ ફંડ 2019 (PPF Scheme 2019) રાખ્યું છે. જેને તાત્કાલિક અમલમાં મૂકાયું છે. કેન્દ્ર સરકાર દ્વારા આ બદલાવ પછી કોઈપણ વ્યક્તિ ફોર્મ 1 હેઠળ અરજી દાખલ કરીને પીપીએફ અકાઉન્ટ ખોલી શકે છે. એક વ્યક્તિ તેના દરેક સગીર બાળકના નામે એક પીપીએફ અકાઉન્ટ ખોલી શકે છે. આમાં એવા લોકો પણ સામેલ થઈ શકે છે જેઓ વાલી તરીકે બાળકોની જવાબદારી સંભાળે છે. ચાલો જાણીએ આ બદલાવ વિશે.
કોઈપણ વ્યક્તિ પીપીએફ અકાઉન્ટ ખોલાવી શકે છે
સગીર બાળકના નામે પણ ખોલાવી શકાય છે પીપીએફ અકાઉન્ટ
પીપીએફ અકાઉન્ટમાં પૈસા જમા નહીં કરાવો તો બંધ થઈ જશે
પીપીએફ ડિપોઝિટ લિમિટ
નાણાકીય વર્ષ દરમિયાન આ અકાઉન્ટમાં તમે ઓછામાં ઓછાં 500 રૂપિયા અને વધુમાં વધુ 1.5 લાખ રૂપિયા જમા કરાવી શકો છો. પરંતુ આ વાતનું ધ્યાન રાખવું કે મહત્તમ ડિપોઝિટ લિમિટ તમારા અકાઉન્ટની સાથે સગીર બાળકના અકાઉન્ટ સાથે મળીને હોવી જોઈએ.
ડિસ્કન્ટીન્યૂ પીપીએફ અકાઉન્ટ
જો કોઈ વ્યક્તિ આ અકાઉન્ટ ખોલવાના પહેલા વર્ષમાં ઓછામાં ઓછાં 500 રૂપિયા જમા કરે છે અને આગામી વર્ષે જો કોઈ રકમ જમા નહીં કરે તો આ અકાઉન્ટને બંધ અથવા ડિસ્કન્ટીન્યૂ અકાઉન્ટ માનવામાં આવશે.
પીપીએફ અકાઉન્ટ રિવાઈવ
બંધ અકાઉન્ટને રિવાઈવ કરવા માટે 50 રૂપિયા પેનલ્ટી અને દર વર્ષે લઘુતમ રકમ એટલે કે 500 રૂપિયા જમા કરવા પડશે. જો બંધ અકાઉન્ટમાં અમુક પૈસા છે અને જો તેને મેચ્યોરિટી પહેલાં રિવાઈવ નથી કર્યા, તો પણ એ રકમ પર વ્યાજ મળતું રહેશે.
નિષ્ક્રિય પીપીએફ અકાઉન્ટ ફરી ખોલી શકાય છે
જો કોઈ વ્યક્તિનું પીપીએફ અકાઉન્ટ નિષ્ક્રિય છે તો તે નવું પીપીએફ અકાઉન્ટ ખોલાવી શકે છે. તેના માટે તેણે જૂના પીપીએફ અકાઉન્ટને બંધ કરવું પડશે. પીપીએફ અકાઉન્ટમાં વ્યાજ દર વર્ષાના અંતમાં અકાઉન્ટમાં જમા થશે. વર્તમાન સમયમાં પીપીએફ અકાઉન્ટ પર વ્યાજ દર ટકાથી નક્કી કરાયેલ છે, જે દર મહિનાની 5 તારીખ પહેલાં સૌથી ઓછી રકમ જમા થશે, તેના આધારે નક્કી થશે. વ્યાજ વર્ષના અંતમાં જમા કરાશે.
પીપીએફ વિથડ્રોઅલ
પીપીએફ અકાઉન્ટ ખોલ્યા બાદ 5 વર્ષ સુધી આ અકાઉન્ટમાંથી કોઈ જ રકમ નીકાળી શકાતી નથી.. 5 વર્ષ પૂરા થયા બાદ તેને વિથડ્રોઅલ કરવામાં આવે છે. તેના માટે ફોર્મ 2 ભરવાનો હોય છે. આ રકમ અકાઉન્ટમાં રહેલી રકમની 50 ટકાથી વધુ હોવી જોઈએ નહીં.
મેચ્યોરિટી પછી પીપીએફ અકાઉન્ટનું એક્સટેન્શન
પીપીએફ અકાઉન્ટની 15 વર્।ની મેચ્યોરિટી પૂરી થયા બાદ 5-5 વર્ષની સમય મર્યાદા માટે તેને વધારી શકાય છે. તેના માટે તમારે મેચ્યોરિટીના એક વર્ષ પહેલાં જ તેને એક્ટેન્ડ કરવાની રહેશે. પીપીએફ અકાઉન્ટને કોઈપણ કોર્ટ અથવા આદેશ દ્વારા દેવું કે અન્ય ખર્ચ ચૂકવવા માટે જબ્ત કરી શકાય નહીં.