નવી દિલ્હી / PM મોદીની અધ્યક્ષતામાં કેબિનેટની બેઠક, ખેડૂતોને મળી શકે દિવાળી ગીફ્ટ

• PM મોદીની અધ્યક્ષતામાં કેન્દ્રીય કેબિનેટ મળશે
• આગામી શિયાળુસત્ર મુદ્દે પણ બેઠકમાં થઈ શકે ચર્ચા
• અર્થતંત્રની સ્થિતી પર પણ બેઠકમાં થશે સમીક્ષા

રવિ પાકની MSP પર લઇ શકે છે નિર્ણય

આજરોજ મળનારી કેન્દ્રિય કેબિનેટમાં સૂત્રોના હવાલેથી મળતી જાણકારી મુજબ ચાલૂ નાણાંકીય વર્ષ 2019-20 (જૂલાઇ-જૂન)ના આગામી રવિ પાકની MSP વધારવા પર નિર્ણય લઇ શકે છે. 

CSPના પ્રસ્તાવ પર કેબિનેટ બેઠક પર કરાશે વિચાર

સૂત્રોને મળતી જાણકારી મુજબ CSP દ્વારા કરવામાં આવેલ ભલામણ પર કેબિનેટ બેઠકમાં તેમાં વૃદ્ધિ અથવા ઘટાડાના સંબંધમાં નિર્ણય લઇ શકે છે. જો કે એક અહેવાલ મુજબ હરિયાણા અને મહારાષ્ટ્ર વિધાનસભા ચૂંટણીને લઇને રવિ પાકની MSPની જાહેરાતમાં મોડુ થયુ હતું. 

PM મોદીની અધ્યક્ષતામાં કેબિનેટની બેઠક

આજે દિલ્લીમાં પ્રધાનમંત્રી નરેન્દ્ર મોદીની અધ્યક્ષતામાં કેન્દ્રીય કેબિનેટ મળી શકે છે. કેબિનેટ બેઠકમાં ચૂંટણી પરિણામો દરમિયાન સુરક્ષાની સમીક્ષા થશે. મહારાષ્ટ્ર, હરિયાણા સહિતની ચૂંટણીના પરિણામ 24મીએ આવશે. દેશમાં હવામાનની સ્થિતિને લઈને પણ ચર્ચા થઇ શકે છે. અર્થતંત્રની સ્થિતી બાબતે પણ બેઠકમાં સમીક્ષા થઇ શકે છે. સરહદી સુરક્ષા, ખેતીની સ્થિતિ સહિતના મુદ્દા ઉછળશે. આગામી શિયાળુસત્ર મુદ્દે પણ બેઠકમાં ચર્ચા થઇ શકે છે.