તમારા કામનું / મોદી સરકારનો સૌથી મોટો નિર્ણય, PF પર 8.5 ટકા વ્યાજદરને આપી મંજૂરી

• મોદી સરકારનો મોટો નિર્ણય 
• કરોડો EPF ખાતાધારકોને થશે ફાયદો 
• 8.5 ટકાના વ્યાજદરને મંજૂરી

મોદી સરકારે 2020-21 માટે કર્મચારી ભવિષ્ય નિધિ (Provident Fund) પર 8.5 ટકાના વ્યાજદરને મંજૂરી આપી છે. સૂત્રોએ આ વાતની જાણકારી આપી છે. તેનાથી કર્મચારી ભવિષ્ય નિધિ સંગઠનથી જોડાયેલા પાંચ કરોડથી વધુ લોકોને ફાયદો થશે. 

નાણામંત્રાલયે તેને મંજૂરી આપી દીધી છે. ગયા નાણાકીય વર્ષ 2019-20માં KYC (Know Your Customer)માં થયેલી મોટી ગડબડીથી વ્યાજ મળવામાં ઘણા સબ્સક્રાઈબર્સને 8થી 10 મહિનાની લાંબી રાહ જોવી પડી હતી. દેશમાં 6.5 કરોડ લોકો PFના દાયરામાં આવે છે. 

ઘરે બેસીને ચેક કરો તમારો ખાતુ 
EPFO સબ્સક્રાઈબર્સ EPF બેલેન્સ જાણવા માટે EPFOની પાસે રજીસ્ટર્ડ પોતાના મોબાઈલ નંબરથી SMS મોકલી શકે છે રજીસ્ટર્ડ મોબાઈલ નંબરથી EPFOHO UAN લખીને 7738299899 પર SMS કરવાનો રહેશે. 

હિન્દીમાં જાણકારી માટે EPFOHO UAN HIN લખીને મેસેજ કરવાનો રહેશે. તે ઉપરાંત, EPFOની પાસે રજીસ્ટર્ડ મોબાઈલ નંબરથી 011-22901406 પર મિસ્ડ કોલ કરીને પણ EPF બેલેન્સ માંગી શકાય છે. 

• સૌથી પહેલા EPFOની વેબસાઈટ epfindia.gov.in  પર જાઓ
• Services સેક્શન પર જઈને For Employees પર ક્લિક કરો 
• ત્યાર બાદ Services માં Member Passbook પર ક્લિક કરો 
• UAN નંબર, પાસવર્ડ અને કેપ્ચા ભરીને લોગ ઈન કરો. નવા પેજ પર તમારા મેમ્બર IDની પસંદગી કરો. 
• View Passbook પર ક્લિક કરો. ત્યાર બાદ અહીં તમારે EPF ખાતામાં બેલેન્સ સાથે જોડાયેલી ડિટેલ્સ મળી જશે અને વ્યાજ પણ જોઈ શકાશે.